Notícies Slider

Actuacions deth Conselh Generau d’Aran de conservacion deth patrimòni arquitectonic e artistic

Vielha, 5 de gèr de 2018.- Pendent er an 2017 eth Conselh Generau d’Aran a trauès deth departament de Cultura a amiat a tèrme ua seria d’intervencions de conservacion-restauracion, atau coma de metuda en valor e senhalizacion de diuèrsi bens integrants deth patrimòni arquitectonic e artistic dera Val d’Aran.

Fòrça d’aguestes actuacions s’an pogut amiar a tèrme gràcies ath convèni soscrit damb era Deputacion de Lhèida, qu’entarara conservacion e restauracion deth patrimòni culturau aranés, apòrte annauments 94.000 €. E tanben gràcies ara collaboracion damb er Archiprèst dera Val d’Aran.

Era inversion totau destinada peth Conselh Generau d’Aran ad aguestes accions supère es 150.000 €.

Aguestes son es accions realizades:

  • Drenatge en mur nòrd deth santuari de Montgarri, tamb recuperacion der antic portau romanic  e substitucion deth paviment dera glèisa
  • Assolidament e neteja deth  mestièr  de Vilamòs
  • Assolidament der escalèr d’accés ath  campanau de Montcorbau
  • Assolidament der  escalèr d’accés ath  campanau de Betlan
  • Restauracion des pintures muraus dera glèisa de Sant Ròc de Begós
  • Naues luminàries entàs pintures dera glèisa d’ Unha
  • Assolidament deth mur deth  cementèri  e adequacion interiora dera capèla de Sant Miquèu de Vila
  • Assolidament der accés ath campanau  de Bausen
  • Musealitzacion deth retaule-tabernacle gotic dera glèisa de Sta. Maria de Cap d’Aran
  • Renovacion dera senhalizacion des Espacis dera Memòria Democratica dera Val d’Aran
  • Reposicion senhalizacion Rota Romanica d’Aran
  • Restauracion de relòtges de campanau
  • Retorn de 7 talhes gotiques analizades e restaurades en CRBMC

 

Informacion detalhada de cada accion en aguest pdf. http://www.conselharan.org/wp-content/uploads/2018/01/Explicacio-memorando-actuacion-2017.pdf

 

Leave a Reply

Your email address will not be published. Required fields are marked *