Notícies

Actualizacion deth barrament de pistes forestaus deth 8 ath 14 d’octobre per trabalhs de conservacion der auviatge naturau d’Aran

Vielha, 9 d’octobre de 2018.- Eth Conselh Generau d’Aran amie a tèrme ua seria d’accions enes pistes forestaus laguens des trabalhs de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 8 ath 14 d’octobre:

Demoraràn barrades deth deluns dia 8 ath dijaus dia 11 es pistes de St. Joan, de Varradòs entà Vilamòs pendent es 24 ores deth dia; de Varradòs, deth horcadís d’Arròs enquia Bòrdes dera Artiga de 08:00 a 13:00 ores e de 14:30 a 19:30 ores; dera Artiga de Lin, des deth Pònt deth Còc ath parcatge dera Ermita e enquiath Plan dera Artiga de deluns a dijaus de 08:00 a 13:00 ores e de 14:30 a 19:30 ores.

Es pistes de Mina Victoria, dera Bassa d’Arres entà Bossòst e d’Arres de Sus ara Bassa d’Arres, de deluns dia 8 a dijaus dia 11, auràn talhs puntuaus d’ua durada d’apuprètz 10 a 15 menutes.

Era pista de Valarties, deth Pònt de Valarties ath Plan de Nera, demorarà dubèrta tota era setmana.

A compdar deth diuendres dia 12 enquiath dimenge dia 14 d’octobre es pistes seràn daurides ara circulacion de manèra normau.Veir grafic adjunt.

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies