Notícies

Alemanha: Merkel e Schulz tornaràn metre en plaça la granda coalicion per governar

Ponch final a la crisi politica alemanda. Après 111 jorns sens govèrn, Angela Merkel, cap del partit crestian-democrata, e Martin Schulz, cap del partit social-democrata, son convenguts de tornar metre en plaça la granda coalicion que governèt lo país pendent uèch dels darrièrs dotze ans. Merkel ganhèt las eleccions en setembre passat, mas o faguèt amb una majoritat insufisenta per formar un govèrn.
 
Los socialistas se presentèron a l'eleccion amb la volontat de tornar pas far la granda coalicion, perque consideravan qu'a causa de l’acòrdi de govèrn amb la drecha avián perdut de vòtes. Atal, los crestians-democratas deguèron ensajar d'entamenar d'acòrdis amb los liberals e los verds, mas aquela temptativa de bastir la dicha coalicion jamaicana (a causa de las colors de la coalicion). Ça que la, los ecologistas se mostrèron malfisants de las politicas economicas dels liberals.
 
Lo void de govèrn a inquietat la societat alemanda e mai lo president del país, Frank-Walter Steinmeier. L’ancian dirigent socialista quichèt son partit per que sostenguèsse Merkel e atal evitar las feblesas d'un govèrn en minoritat o de nòvas eleccions.

 



 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies