Notícies

An expulsat onze passatgièrs d’un vòl Barcelona-Dakar que se batián per evitar l’expulsion d’un migrant

Los passatgièrs del vòl Barcelona-Dakar capitèron dissabte passat a interrompre una deportacion. Quand remarquèron qu’aquel avion transportava un migrant qu’èra expulsat de l’estat espanhòl devèrs Senegal, los passatgièrs manifestèron lor indignacion.
 
La realizaira Laura Arau, que viatjava dins aquel avion, o exprimissiá sus Twitter. “Vòl de deportacion Barcelona-Dakar amb Vueling. Arrestem-lo totes ensems! Dedins estant, dreches. Defòra cal contactar la companhiá. Vergonha”. Pus tard, ela  mostrava sa jòia quand las autoritats faguèron sortir de l’avion la persona senegalesa en question. “Avèm reüssit a arrestar lo vòl de deportacion Barcelona-Dakar. L’avion partís pas. Cap de persona es pas illegala!”, çò assolidava en s’acompanhant de l’etiqueta “Bastir lo Mond que volèm”.
 
Per quant a ela, una autra passatgièra, la jornalista Anna Palou, publicava sus Twitter un vidèo que fasiá veire la jòia dels passatgièrs qu’avián empedit l’expulsion de la persona immigrada. “Avèm plan capitat, la solidaritat es nòstra melhora arma”, çò disián.
 
Ça que la, las autoritats espanhòlas finiguèron qu’expulsèron lo migrant e las onze personas que protestavan contra l’expulsion foguèron empachadas de volar amb Vueling.
 
 
Campanha de protèsta contra Vueling
 
Aqueles onze passatgièrs solidaris fan uèi a miègjorn una conferéncia de premsa al sèti de la Federacion d’Organizacions per la Justícia Sociala.
 
Mentretant ven de començar una campanha contra la companhiá Vueling, que collabòra a l’expulsion de las personas immigradas e refugiadas. 

 
 

Vol de deportació Bcn-Dakar amb Vueling. Parem-lo entre totes! Des de dins, dempeus. A fora, a contactar a la companyia. Vergonya! pic.twitter.com/wyuu5DCCdm

— Laura Arau (@araulaura) 15 de juliol de 2017
 

Hem aconseguit parar el vol de deportació Bcn-Dakar. L'avió no surt. Cap persona és https://t.co/ADoZ6y11Bx! #ConstruintElMónQueVolem

— Laura Arau (@araulaura) 15 de juliol de 2017
 

Ho hem aconseguit! Vol de deportació aturat. Ara venen les autoritats a emportar-se la persona! La solidaritat és la nostra millor arma! pic.twitter.com/x8OSUzu2Dx

— Anna Palou Solé (@annapalou) 15 de juliol de 2017
 

Ens han dit que malauradament han acabat deportant al noi de l'avió. 11 persones no hem pogut pujar al vol i ja no podem volar amb Vueling. pic.twitter.com/s8VIpEEr2i

— Anna Palou Solé (@annapalou) 15 de juliol de 2017
 

Demà a les 12h a la @Lafede_cat les 11 persones expulsades del vol VY7888 de Vueling convoquem roda de premsa #VuelingDeporta

— Laura Arau (@araulaura) 16 de juliol de 2017
 



 

Leave a Reply

Your email address will not be published. Required fields are marked *