Aran Park, ua visita unica ara Val d’Aran – aranes.org
Notícies

Aran Park, ua visita unica ara Val d’Aran

Vielha, 10 d’agost de 2018.- Eth parc de visualizacion de fauna dera Val d’Aran – Aran Park aufrís era possibilitat de descorbir era fauna sauvatja des montanhes deth Pirenèu, en un recorregut de dues ores apuprètz de durada, que permet observar animaus eth semillibertat coma ossi, gatilops, nutries, lops, marmotes, caparròis, grani cèrvis, crabes sauvatges e d’auti animaus de montanha en sòn entorn naturau.

Es visitants aguest ostiu poderàn observar bèri nauvenguts coma es isards e cabiròus, es daines e es marmotes, ath delà dera naua parelha de paums.

Eth parc de fauna Aran Park aucupe ua superfícia de vint ectares a on se pòden observar 15 espècies diferentes d’animaus, damb un totau de mès d’un centenat d’exemplars.

Eth parc de fauna Aran Park ei daurit toti es dies, includidi dimenges e festius, deth 24 de març enquiath 4 de noveme 2018.

Ua des experiéncies mès gratificantes entath visitant ei auer era oportunitat de dar de minjar as animaus ena petita granja damb era ajuda des persones que les survelhen. Se recomane tanben er usatge de binocles que permeteràn veir mès d’apròp es animaus.

Eth parc de fauna dera Val d’Aran ei plaçat en Bossòst, en ua des vessants deth Pòrt deth Portilhon entre era Val d’Aran e Bagnères de Luchon.

Entà mès informacion http://www.aran-park.es/

Fotos: Aran Park

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies