Cossí s’amaga la malària

Segon lo darrièr estudi realizat sus aquela malautiá, lo parasit alucariá e atudariá son còde genetic per s’amagar de las cellulas que cèrcan d’autras malautas per l’atacar. Per ansin, aquela grèva malautiá s’espandiriá lèu-lèu pel còrs uman après la fissada d’un mosquilh e se multiplicariá rapidament a travèrs dels eritrocits (globuls roges). E, a mai, es una malautiá que demorariá latenta dins lo còrs uman e poiriá tornar aparéisser.
 
Pasmens, pendent la sason seca en Africa, lo mosquilh que pòrta aquel parasit a pas gaire d’escasenças d’infectar d’umans. Alavetz, çò que fa lo parasit es s’amagar dins lo còrs. Aquí las cellulas malautas dintraràn dins lo sistèma circulatòri per s’amagar encara mai. Aquò es la resulta d’un nòu estudi publicat ara dins la revista numerica Nature Medicine. Per ansin, aquelas cellulas malautas del parasit de la malària se pòdon amagar, car n’i auriá pas gaire e seriá plan malaisit de los trobar. Pasmens, l’uman demorarà flac e lo parasit poirá pas èsser trapat.
 
Èra un fach constatat pels mètges; de simptòmas de la malària desapareisson pendent la sason seca, qu’en Africa pòt èsser situada entre los meses de genièr e de mai. Totun, se’n desconeissiá la rason; fins ara que s’es descobèrt perqué se passa aquò.
 
“S’amagar aital es un vertadièr succès pel parasit d’aquela malautiá”, çò diguèt Martin Rono, del centre KEMRI-Wellcome Trust a Kilifi, a Kenya. “Contunhar d’èsser viu sens provocar la malautiá es un fach estonant”, çò apondèt. E aquò ajudariá la malautiá a subreviure, pr’amor que quand arribarà un autre mosquilh que fissarà aquela persona malauta (que sembla pas d’o èsser) e ne fissarà una autra, lo parasit aurà plan capitat.
 
Plasmodium falciparum es lo parasit que provòca aquela grèva malautiá, e quand pòt intrar dins una cellula, produtz de proteïnas que cobrisson totalament aquela cellula e l’amagan d’autras que la trapan pas e la pòdon pas atacar per garir la malautiá.
 
De costumas diferentas
 
En mai d’aquò, plusors cercaires qu’an participat a aquel nòu estudi an confirmat que los parasits avián de costumas desparièras segon qu’èran mai joves o mai vièlhs. “ Sonque los parasits ùai joves intran dins lo sistèma circulatòri, çò diguèt Silvia Portugal, de l’Espital Universitari d’Heidelberg, en Alemanha. Aquò es un fach tras qu’estonant pr’amor que los parasits mai vièlhs o fan pas. An de costumas diferentas”.
 
Silvia Portugal e una còla de cercaires de l’Institut Max Planck d’Infeccions Biologicas de Berlin an identificat en Mali fins a 600 personas que patiguèron la malària en 2017 e 2018. Las primièras teorias que prepausèron se fondavan sus la genetica l’immunitat. Totun, la causa n’èra pas brica clara pr’amor que los parasits genetics atacan pas durant de sasons desparièras. E un sistèma immunitari ataca pas la creissença d’un parasit. (Legissètz la seguida)

 
Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l’article entièr aicí

 

 
 

Erdoğan en colèra per sa caricatura que la publica <em>Charlie Hebdo</em>

Lo president de Turquia, Recep Tayyip Erdoğan, a anonciat qu’entreprendriá las “accions legalas e diplomaticas necessàrias” contra Charlie Hebdo, qu’a publicat una caricatura d’el. Per ara, a dobèrt una procedura dins lo ministèri public turc per un delicte “d’insultes al cap de l’estat”. Lo dessenh, publicat sus la primièra pagina del setmanièr francés, mòstra Erdoğan assetat sus un cadieral a levar lo vestit d’una femna en s’exclamant “Ò, lo profèta!” del temps que li agacha lo tafanari. Lo gròs títol ditz: “Erdoğan. En privat, es fòrça amusant”.
 
Un pòrtavotz del govèrn turc a dich o a qualificat de “racisme cultural”, e lo quite Erdoğan ditz qu’es “una ataca ignòbla” en apondent que los païses occidentals vòlon “relançar las crosadas”.
 
 
Boicòt dels produches franceses
 
Tot aquò arriba a un moment ont las relacions diplomaticas entre França e Turquia son pas bonas e mai los dos païses fagan partida de l’OTAN. Aquesta setmana, Erdoğan a demandat de boicotar los produches franceses en afirmant que lo president francés, Emmanuel Macron, es un “malaut mental” e un “islamofòb”.
 
D’un caire, Erdoğan o assolida en seguida de l’idèa de Macron de far una lei contra “lo separatisme” e tanben perque lo president francés defendèt la libertat de publicar de caricaturas de Maomet durant l’omenatge nacional a Samuel Paty, l’ensenhaire crusèlament assassinat lo 16 d’octòbre passat per un jove jihadista, qu’aviá mostradas aquelas caricaturas dins una leiçon sus la libertat d’expression.
 
D’autre caire, cal prene en compte que Macron es un dels caps d’estat occidentals que s’opausan amb mai de fermetat a la politica expansionista turca.
 
 
Reaccion de l’Elisi
 
De son costat, l’Elisi a anonciat que prepausariá una “reaccion fòrta” contra Turquia al Conselh Europèu de decembre. Tanben pensa de demandar de sancions per combatre l’estrategia turca de “multiplicar las provocacions”.
 
Dimècres, Danemarc e Índia manifestèron lor sosten a França a respècte dels prepauses d’Erdoğan.

 

Erdogan : dans le privé, il est très drôle !

Retrouvez :

Laïcité : zoom sur le CCIF par @LaureDaussy
Voyage dans la crackosphère parisienne par @AntonioFischet8 et Foolz
Reportage à Lunéville et son théâtre par Juin

Disponible demain ! pic.twitter.com/jxXqKrvXbK

— Charlie Hebdo (@Charlie_Hebdo_) October 27, 2020

 

 

Niça: almens dos mòrts dins una ataca al cotèl a l’interior de la basilica

Almens doas personas serián mòrtas e qualques unas nafradas dins una ataca al cotèl a Niça, dins la basilica de Nòstra Dòna de l’Assompcion. L’ataca s’es producha aqueste dijòus vèrs 9h, çò rapòrta Nice-Matin. Las polícias nacionala e municipala son intervengudas e an neutralizat l’assalhidor per balas.
 

#attentatnice pic.twitter.com/erO9vOb6x0

— Tour2controle (@Tour2controle1) October 29, 2020

Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1

— Christian Estrosi (@cestrosi) October 29, 2020

IMPORTANT#Nice : une opération de police est en cours. Évitez le secteur et suivez les consignes. Après avoir eu le maire de Nice @cestrosi, je préside une réunion de crise au Ministère de l’Intérieur.

— Gérald DARMANIN (@GDarmanin) October 29, 2020

ALERTE | Un événement grave a eu lieu à l’église Notre-Dame à #Nice.
Les forces de sécurité et de secours sont sur place.
Évitez le secteur et suivez les consignes des autorités. pic.twitter.com/EjzmPPVRHZ

— Ministère de l’Intérieur – Alerte (@Beauvau_Alerte) October 29, 2020

 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies