Vint e quatre mòrts dins un atac al Musèu de Bardaw en Tunisia

Vint e quatre personas mòrtas: es lo bilanç de l’atac de se debanèt ièr a miègjorn al Musèu Nacional de Bardaw (Le Bardo), en Tunisia, segon çò que raportèt lo Ministèri tunisian de l’Interior. Demièg los mòrts i a los dos assalhidors, dos membres de las fòrças d’intervencion e vint toristas europèus. Tanben foguèron ferits quaranta dos toristas. 
 
Lo ministèri expliquèt que l’accion la protagonizèron quatre òmes armats que, segon los testimònis, se vestissián d’abilhatges militars. Avián ensajat d’assautar lo Parlament de Tunisia, qu’en aquel moment s’i reünissián tres comissions parlamentàrias. Après una fusilhada amb las fòrças de seguretat, los atacants se refugièron al musèu, plaçat al costat de l’assemblada tunisiana.
 
En seguida se debanèt una manifestacion populara davant lo musèu per condemnar l’atac terrorista.
 
Lo Musèu Nacional de Bardaw es un del principals luòcs toristics de Tunis e a una granda colleccion arqueologica amb de mosaïcs.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies