Folaironas: an assassinat un parelh davant sos enfants

Drama a Folaironas (Sèrras d’Agenés) après l’assassinat ièr de matin d’un parelh d’aperaquí quaranta ans. Eric Simon e Stéphanie Marcassa son estats aucits aqueste matin a còps de fuòc davant lo garatge de lor ostal quand s’aprestavan a menar los dos enfants, de 5 e 10 ans, a l’escòla.
 
Los enfants an presenciat lo crime e se son amagats còp sec, un dins los camps d’alentorn e l’autre dins l’ostal d’ont a apelat los secors. En seguida los an menat a l’espital d’Agen en “estat de chòc” segon de fonts pròchas a l’enquèsta. Quant a las victimas, Stéphanie Marcassa trabalhava dins un gabinet d’arquitèctes a Agen e son companhon, Eric Simon, exercissiá una profession liberala, segon çò que rapòrta Sud Ouest.
 
La polícia recèrca activament un individú que fugiguèt dins una veitura de color fosca. Segon lo testimoniatge d’un dels enfants, un òme encagolat tirèt de la veitura estant e fugiguèt.
 
Pel moment las ipotèsis van d’una temptativa de cambriolatge que s’auriá mal passada a una venjança, segon La Dépêche, que rapòrta que segon los servicis de la gendarmariá, l’òme assassinat seriá conegut coma “victima” dins l’encastre de l’exercici de son mestièr d’artesan.

#foulayronnes tuits

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies