Los efièches dels camps electromagnetics de la tecnologia wi-fi

A l’ostal, al burèu, a l’escòla, dins las botigas e al bar, pertot i a un encaminador que nos provesís un ret wi-fi. Vivèm immergits dins lors camps electromagnetics e aquò chepica de ciutadans, de mètges e de scientifics. Ça que la “i a pas cap d’evidéncia scientifica que nos suggerisca que l’exposicion al wi-fi pòsca aver d’efièches negatius per la santat”; aital o ditz James Grellier, epidemiològ al Centre de Recèrca en Epidemiologia Environamentala (CREAL). Trabalha dins un projècte de recèrca nomenat Geronimo, de nivèl europèu, per ensajar de determinar los efièches dels camps electromagnetics per la santat.
 
Lo jornal catalan Vilaweb a parlat amb el e ne publica una entrevista, ont Grellier assegura que l’intensitat del wi-fi es fòrça bassa. Segon el cal pas evitar las microondas qu’emeton los encaminadors, e soslinha que la radiacion dels telefòns mobils es fòrça mai nauta e, de fach, “l’exposicion al wi-fi de tota una jornada dins de condicions d’usatge normal es mai pichona que l’exposicion als camps electromagnetics que pòrta una telefonada brèva amb lo telefòn mobil a l’aurelha”.
 
Podètz legir l’entrevista completa en catalan sus aqueste ligam.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies