Lapsus de Nicolas Sarkozy: “França es totjorn estada del costat dels dictators”

Los Republicans, qu’es lo novèl nom que l’UMP a doptat, faguèron lor universitat d’estiu la dimenjada passada a Ar Baol-Skoubleg (Bretanha). Dissabte, l’èx-president e candidat a la presidéncia de França, Nicolas Sarkozy, faguèt un lapsus dins l’encastre de son discors. “França es totjorn estada del costat dels dictators”, çò diguèt Sarkozy al moment qu’evocava l’identitat francesa, un de sos tèmas predilèctes.
 
L’èx-president francés fasiá son discors sens legir de nòtas e benlèu anava tròp lèu a l’ora d’exprimir sas idèas, o benlèu l’inconscient lo traïguèt. La frasa entièra disiá: “Dins l’identitat francesa a la quala ieu cresi, i a quicòm qu’i soi fòrça estacat, es que França, de tota eternitat, es totjorn estada del costat dels oprimits e es totjorn estada del costat dels dictators, es torjorn estada del costat d’aquel qu’èra getat en preson perque cresiá en sas idèas”.
 
 

Lapsus de Sarkozy : “La France toujours du côté… por LeHuffPost

Los païsans e elevaires europèus an manifestat a Brussèlas en revendicant de prèses justes

Mai de sièis mila productors europèus de lach, de carn porcina e bovina e de frucha e legum manifestèron diluns de matin per carrièras a Brussèlas. Darrièr una caravana de dos mila tractors, los productors revendicavan de prèses justes per lors produches. “Cada annada, lo 4% de las esplechas agricòlas desapareisson en Flandra. Es normal?”, çò se podiá legir en flamenc dins una de las nombrosas bandieròlas. La dicha Farmaction (#farmaction) s’es poguda seguir sus rets socials, mai que mai sus Twitter e Facebook.
 
A la fin de la marcha, davant lo bastiment de la Comission Europèa, an cantat en catalan la cançon l’Estaca de Lluís Llach, qu’en occitan la popularizèron los Pagalhós, lo Dalfin e d’autres musicians.
 
 
 

VÍDEO> des de @delgoveu hem sentit avui ‘L’estaca’ de @lluis_llach a la #milkmanif davant de la Comissió Europea pic.twitter.com/rLcaUNculy

— Catalan Gov. EU (@delgoveu) September 7, 2015

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies