Fin de la trèva unilaterala del PKK en Turquia

Lo Partit dels Trabalhadadors de Curdistan (PKK) a decidit de metre fin a la trèva unilaterala declarada fa mai de dos ans. Considèran que l’estat turc a pas avançat dins las negociacions e mai qu’agredís, e que fa pas res per evitar las agressions contra los curds, en tot profechar del conflicte en Siria e Iraq.
 
Aquesta decision ven après que Turquia aprofechèsse divendres passat un atac contra las posicions de l’Estat Islamic per atacar tanben las fòrças curdas que luchan contra los islamistas. En seguida, de desenats de manifestants curds manifestèron a Sîlemanî per ‎protestar contra los bombardaments turcs. Acusavan lo govèrn turc de traïr los curds. A Ankara, la capitala de Turquia, la polícia a emplegat de canons d’aiga e de gases lacrimogèns contra las personas que tanben manfestavan contra los atacs visant los curds.
 
Los partits turcs de l’oposicion acusan lo president, Recep Tayyip Erdoğan, d’aprofechar la campanha contra l’Estat Islamic coma pretèxt per atacar la resisténcia curda.

Galícia: capita ben la marcha de l’unitat dels independentistas

La manifestacion convocada dissabte passat a Compostèla en favor de l’unitat d’accion dels independentistas galècs foguèt una reüssida que despassèt las previsions. Lo rassemblament se fasiá en ocasion del jorn nacional de Galícia e i participèron mai de 25 000 personas de las principalas formacions independentistas del país. Amb lo simple lèma de “Nacion galèga”, la marcha empliguèt lo Pargue d’Alameda, çò rapòrta Vilaweb.
 
Podètz veire mai d’imatges e de proclams sus aqueste fil de Twitter:
 
 
 
#ANacionGalega tuits

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies