Jornalet – Página 806 – aranes.org

A mal capitat la mocion de censura contra lo govèrn francés

Capitèt mal, ièr, la mocion de censura somesa al vòte de l’Assemblada Estatala francesa, après un debat tibat. Amassèt pas los 289 vòtes necessaris per tombar lo govèrn. La mocion venguèt d’una proposicion de l’UMP, lo principal partit de l’oposicion, après que lo govèrn de Manuel Valls decidiguèsse emplegar l’article 49.3 de la Constitucion francesa per aprovar per decret, e sens passar pel Parlament, la Lei de liberalizacion economica, coneguda coma Lei Macron.
 
Lo govèrn francés aviá forçat aital l’adopcion d’aquela lei davant las dificultats d’aprovar lo tèxt a l’Assemblada Estatala, a París. La Lei Macron i es quitament refusada per de sectors del Partit Socialista. Es pr’amor d’aquò que lo primièr ministre Manuel Valls se serviguèt d’un article de la Constitucion francesa —lo famós article 49.3— que facilita aquel procediment.
 
Del meteis biais s’aprovèt fa gaire un procediment que permet d’aumentar lo nombre de dimenges que los comèrcis poiràn dobrir dins las zònas toristicas, de facilitar l’exercici de qualques mestièrs coma los notaris e avocats, o de dobrir l’esplecha de linhas d’autocars a tot lo territòri estatal, entre divèrsas mesuras.
 
 
https://twitter.com/hashtag/motiondecensure?f=realtime&src=hash
 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies