Notícies

Barcelona: manifestacion gigantassa per la libertat dels presonièrs politics

Aperaquí 750 000 personas (segon de donadas de l’organizacion) manifestèron ièr dimenge per las carrièras de Barcelona per fin d'exigir la libertat dels presonièrs politics. Jos lo lèma “Pels dreches e las libertats, per la democracia e la coesion, vos volèm a l’ostal”, lo cortègi saturèt l’avenguda del Paral·lel, e las carrièras e plaças adjacentas.

 

La manifestacion se tenguèt a l’escasença del sièis meses de preson dels dos presidents de las principalas associacions independentistas, Jordi Cuixart e Jordi Sànchez. Los manifestants cridèron a lor liberacion e a la dels autres sèt presonièrs politics independentistas: Oriol Junqueras, Quim Forn, Jordi Turull, Carme Forcadell, Raül Romeva, Josep Rull e Dolors Bassa. Demandèron pereu lo retorn de totes los exiliats politics e la fin del contraròtle espanhòl de las institucions catalanas, e protestèron contra l'ingerència del govèrn espanhòl dins los domenis de la justícia e de la politica catalana.

 

La protèsta respondiá a l'apèl de divèrsas associacions, collectius e sindicats qu’an creat amassa l’Espaci Democracia e Convivéncia per fin de “defendre las institucions catalanas, la convivéncia, la coesion sociala e los dreches e las libertats fondamentalas dels ciutadans que son estats violats” en Catalonha e Aran.

 

Lo president exiliat de la Generalitat, Carles Puigdemont, publiquèt sus Twitter qualques imatges de l’eveniment en disent: “Tornarmai una granda manifestacion civica e democratica. Catalonha demanda la libertat. Sèm de ciutadans europèus que sonque volèm viure en patz, liures e sens paur”.

 
 

Once again, a great civic and democratic demonstration. #Catalonia is asking for #freedom. We are European citizens who just want to live in peace, free and without fear #UsVolemACasa pic.twitter.com/TbLinSFUSD

— Carles Puigdemont (@KRLS) 15 d’abril de 2018

 





 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies