Notícies

Belgica refusa l’extradicion dels elegits catalans en exili

Lo ministèri public de Belgica a demandat a la justícia del país que refuse lo mandat d’arrèst europèu dictat pel jutge espanhòl Pablo Llarena que los acusava de rebellion. Segon lo ministèri public, lo mandat d’arrèst europèu a un defaut de forma e es tot plen d’errors. Per tant, los tres elegits catalans exiliats en Belgica seràn pas extradits. Lo jutge del tribunal de primièra instància de Belgica o a comunicat al conselhièr catalan en exili Toni Comín a l’exterior del Palais de Justícia.
 
“Pòt semblar un problèma estrictament formal, mas aicí i a un problèma de fons. L’estat espanhòl deu quitar d’abusar del drech penal e dels mandats d’arrèst europèus. N’i a pro, aquò o fa pas una democracia madura”, çò diguèt Comín als mèdias.
 
Ara lo jutge retirarà las mesuras preventivas que tocavan los conselhièrs exiliats: d'efièch, podián pas sortir de l’estat bèlga sens permission e devián comunicar a la justícia tot cambiament de demorança.
 
Lo president en exili, Carles Puigdemont, de Berlin estant, escriguèt un messatge de felicitacion sus Twitter tanlèu conéisser la nòva.
 
 

Bona notícia de Bèlgica!  Felicitats companys @PuigGordi , @toni_comin i @MeritxellSerret https://t.co/cJ6jMmyBbI

— Carles Puigdemont (@KRLS) 16 de maig de 2018

 
 





 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies