Notícies

Bretanha: an arrestat l’activista italian Vincenzo Vecchio 18 ans puèi

An arrestat en Bretanha l’activista italian Vincenzo Vecchi, 18 ans après los faches que los n’acusan. Èra condemnat a 13 ans de preson dins son país pels sacatges de la cima del G8 a Gènoa en 2001 —ont la polícia tuèt Carlo Giuliani— e tanben per aver participat a una manifestacion antifaissista non autorizada a Milan en març de 2006.
 
L’an arrestat dins la comuna de Roc’h-an-Argoed, ont viviá dempuèi uèch ans. L’arrestacion a provocat estupor e indignacion en aquela vilatge. Un collectiu s’opausa a son extradicion. Vecchi a ara una quarantena d’ans e es fòrça presat pels abitants. Fa lo pintre en bastiment e es benevòl dins un estanquet associatiu local. L’arrestèron dijòus passat d’agents de la Brigada francesa de Recèrca dels Fugitius (BNRF) en seguida de dos mandats d’arrèst europèus desliurats per los procuraires de Milan e de Gènoa. Ara per ara, es encarcerat dins una preson près de Rene (en galò; "Roazhon" en breton).
 
Segon lo collectiu de sosten, “l’arrestacion de Vincenzo es eminentament politica”. E mai refusan “que venga un trofèu de caça pel ministre de l’Interior italian, mai que mai dins lo contèxt actual”. Per aquela rason, creson que “l’opinion publica francesa deu prene consciéncia de la gravetat de la situacion”.
 
Deman de matin, Veccho compareisserà davant la cambra de l’instruccion. Un recampament de sosten es previst davant la cort de justícia de Rene per protestar contra son extradicion.
 
 

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies