Notícies

Cauma generala contra la discutida lei del trabalh de Macron

Divèrsas organizacions e sindicats, en particular la CGT, faguèron ièr dimars, 12 de setembre, una jornada de cauma generala dins tot l’estat francés —dont las vilas màgers d’Occitània— contra la reforma del còde del trabalh que vòl menar a bon tèrme lo president Emmanuel Macron. La dicha lei del trabalh prevei de flexibilizar los licenciaments e los recrutaments. Una nòrma discutida que la vòl impausar Macron per decret e aplicar dins la davalada qu’arriba.
 
Lo secretari general de la CGT, Philippe Martinez, afirmèt qu’amb aquela mobilizacion se cercava que la classa obrièra e los ciutadans mostrèsson lor refús de la lei del trabalh, que sa tòca es de “respondre a las exigéncias de las grandas entrepresas e del MEDÈF”, valent a dire l’organizacion patronala.
 
La CGT considèra que la reforma significa una reculada des dreches del trabalh e un còp contra l’estat social.
 
Tant la Confederacion Francesa Democratica del Trabalh (CFDT) coma Fòrça Obrièra (FO) decidiguèron de non participar pas a la cauma, puèi qu’estiman d’aver obtengut d'importantas concessions dins las negociacions amb l'executiu.

 
 

À #Marseille, la France insoumise fortement mobilisée aux côtés des salariés. #Greve12Septembre pic.twitter.com/bA5TqhNrsj

— Jean-Luc Mélenchon (@JLMelenchon) 12 de setembre de 2017
 
 

#Marseille: 60.000 people on the streets today against @EmmanuelMacron and his #LoiTravailXXL #12septembre #ordonnances #greve pic.twitter.com/xHKpzy5X1c

— elena biserna (@elenabiserna) 12 de setembre de 2017




 

Leave a Reply

Your email address will not be published. Required fields are marked *