Notícies Slider

Celebracion de Santa Barbara, patrona des Pompièrs

  • Eth govèrn deth Conselh Generau d’Aran a volut dar un nau impuls institucionau ad aguesta hèsta e a premanit tot un seguit d’activitats que dejà comencèren era passada setmana e an finalizat aué, damb ua jornada commemorativa entà méter en valor eth servici ara comunitat que prèste eth còs de Pompièrs-Emergéncies d’Aran

Aué, 4 de deseme de 2019, s’a celebrat era tradicionau hèsta de Santa Barbara, patrona des Pompièrs. Entà commemorar aguest dia e, en tot dar un nau impuls institucionau ad aguesta hèsta, eth govèrn deth Conselh Generau d’Aran a premanit tot un seguit d’actes que comencèren eth passat 27 de noveme e an culminat aué, damb era celebracion d’ua jornada destinada a destacar era gran labor des nòsti pompièrs.

En tot acompanhar ath còs de Pompièrs-Emergéncies d’Aran, an prenut part d’aguesta jornada, ath delà deth govèrn d’Aran, eth director generau de Prevencion, Extincion d’Incèndis e Sauvament dera Generalitat, Manel Pardo, era Delegada deth Govèrn en Alt Pirineu e Aran, Rosa Amorós, era vicepresidenta dera Deputacion de Lhèida, Estefania Rufach e Ferran Accensi, e representants des Pompièrs der Estat Francés e Andorra, entre d’auti.

Dempús dera tradicionau missa ena glèisa de Santa Maria de Mijaran, s’a projectat eth vidèu commemoratiu qu’a elaborat eth Conselh Generau d’Aran entà dar a conéisher e méter en valor eth trabalh diari d’aguesti professionaus. Ath delà, pendent er acte s’a procedit ara entrèga des nomenaments des caps d’equip de Pompièrs-Emergéncies e des naui pompièrs volontaris per part deth sindic d’Aran, Francés Boya, e deth director generau de Prevencion, Extincion d’Incèndis e Sauvament dera Generalitat.

Entà finalizar er acte a prenut era paraula eth sindic d’Aran, en tot destacar “eth valor des Pompièrs coma un exemple de servici ara comunitat que mòstre era sua capacitat d’innovar e d’adaptar-se as naui tempsi en tot mantier era sua vocacion solidaria e de compromís damb eth país

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies