Notícies

Cèrcan d’eliminar l’occitan de l’educacion publica en lo remplaçant per l’anglés

Nòva revirada a l’ensenhament de l’occitan dins las escòlas publicas francesas. S’es aviat un nòu plan de desvolopament ministerial que prevei de cursus bilingües francés-anglés, e sembla que se desplegaràn al detriment de l’occitan, çò denóncian los ensenhaires d’occitan.
 
D’un caire, lo collectiu per l’ensenhament de l’occitan dins l’Acadèmia de Tolosa (CRÈO Tolosa) denóncia que dels tres cursus d’anglés previstes en Carcin, almens un se metrà en plaça eliminant l’occitan. S'agís del de Pradinas (Carcin Blanc), precisament un dels endreches ont los ensenhaires d’occitan s’èran mai batuts per que se faguèsse aquel cursus. Per aquela rason an mandat una letra al director academic dels servicis de l’Educacion Nacionala (DASEN) del departament d’Òlt per li demandar de servar lo cursus. Dins la letra tanben li demandan perqué precisament a Pradinas.
 
D’autre caire, los ensenhaires d’occitan de l’acadèmia de Bordèu anóncian tanben de mobilizacions. Planhon que dins la region de Nòva Aquitània se preveja un fum d’aqueles cursus bilingües francés-anglés. Per exemple, a la rintrada, dins lo departament de Gironda se prepausarà 4 cursus d’anglés, los meteisses obtenguts en occitan en dètz ans de trabalh. Tanben dins lo departament de Dordonha se n’anóncia dos, e se crenh que fagan perilhar los 4 d’occitan que i a l’ora d’ara.
 
Lo desplegament d’aqueles cursus bilingües francés-anglés serà encara pus larg a Marselha: 10 sits e sembla que tanben i auriá un plan d’accion dins l’acadèmia de Niça. De ramentar que dins l’estat francés dison “acadèmias” a las circonscripcions escolaras.
 
 
 
 

 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies