Notícies

China e Índia son en conflicte per un planastèl de l’Imalaia

Dimècres passat, lo Dalai Lama apelèt al dialòg entre China e Índia, en seguida d’un long conflicte militar entre los dos païses dins una region de l’Imalaia. Dempuèi sèt setmanas, las armadas d’aqueles dos païses s’afrontan sul planastèl de Doklam, un territòri revendicat per Bhutan, qu’es un país aliat d’Índia. Segon lo cap religiós tibetan en exili, la possibilitat d’una guèrra seriá destruseira pels dos païses.
 
Las tropas índias intrèron en Doklam per mièg junh per arrestar los trabalhs d’extension d’un camin militar que lo bastissiá China. Lo govèrn chinés exigiguèt que l’armada d’Índia abandonèsse l’endrech. Per ara, las convèrsas entre los dos païses avançan pas, çò qu’aumenta las temors d’un conflicte armat.
 
Dempuèi la fin de la guèrra de 1962 entre China e Índia, que finiguèt amb la desfacha del segond país, los dos estats son pas estats capables de definir la frontièra, çò qu’a provocat de reclamacions constantas de las doas parts.




 

Leave a Reply

Your email address will not be published. Required fields are marked *