conscienciació conscienciación ecologisme ecologismo medi ambient medio ambiente Notícies recogida de residuos recollida de residus remassada de residus Slider Val d'Aran Valle de Aran

Conscienciacion ecologista des casaus d’ostiu, associacions e clubs aranesi

  • Desenes de mainatges e mainades participen en aguesta campanha de remassada e neteja d’arrius e bòsqui ena Val d’Aran

  • Un projècte a on es mès petits dan as adults ua grana leçon de suenh ath miei ambient

Cambi climatic, contaminacion, manca d’aigua, generacion desproporcionada de residus, pèrta de biodiuersitat… Era grèu problematica ecologica que patís eth nòste planeta reclame solucions urgents e, sustot, conscienciacion.

Per aquerò, campanhes coma era d’arremassada de residus organizada pes casaus d’ostiu, associacions e clubs aranesi son imprescindibles ena nòsta societat.

Ager dimèrcles, 7 d’agost, auec lòc era 2au jornada d’aguesta campanha de neteja e arremassada en arrius e bòsqui dera Val d’Aran.

Desenes de mainatges e mainades que passen er ostiu participant enes activitats  organizades per aguestes entitats, s’encuedèren de remassar e netejar era grana quantitat de residus qu’era gent lance ena natura.

Era mainadèra se repartic per diuèrsi punts deth territòri: es petits d’Acuarela Casal e Explòra Bossòst actuèren en Les, es membres deth Vielha Swim Team en Bossòst, es mainatges e mainades de Montanhetes e eth casau deth CAEI netegèren en Vielha e es petits qu’assistissen ara Trauèssa e eth casau dera Escòla Tchaikivsky ac heren en Salardú.

Es mès petits mos dan, un còp mès, ua grana leçon de civisme e compromís damb eth miei ambient.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies