Notícies Notícies de Govèrn

Contunhen es òbres de conservacion d’accèssi ar auviatge naturau e culturau dera Val d’Aran

Vielha, 15 d’abriu de 2019.- Damb era arribada dera primauera eth Conselh Generau d’Aran seguís es accions enes pistes forestaus laguens es prètzhèts de melhora e conservacion des accèssi ar auviatge naturau e culturau dera Val d’Aran.

Prevision de talhs setmana deth 15 ath 21 d’abriu:

Era pista de St. Joan, de Varradòs entà Vilamòs, demorarà talhada pendent es 24h deth dia de deluns a dimenge.

Era pista de Varradòs, des deth horcadís d’Arròs enquia Bòrdes dera Artiga, demorarà talhada pendent es 24h deth dia de deluns a dimenge.

Es pistes dera Artiga de Lin, deth Pònt deth Còc ath parcatge dera Ermita e enquiath Plan dera Artiga demoraràn dubèrtes tota era setmana de deluns a dimenge.

Es pistes de Mina Victòria, d’Arres de Sus ara Bassa d’Arres, e dera Bassa d’Arres entà Bossòst, demoraràn dubèrtes tota era setmana de deluns a dimenge.

Era pista de Valarties, deth Pònt de Valarties ath Plan de Nera, demorarà dubèrta tota era setmana.

Veir grafic adjunt.

Es accions enes pistes forestaus des trabalhs de melhora e conservacion des accèssi ar auviatge naturau e culturau dera Val d’Aran, les amie a tèrme eth Conselh Generau d’Aran damb era collaboracion deth Hons Europèu de Desvolopament Regionau (FEDER), era Deputacion de Lhèida e era Generalitat de Catalonha a trauès deth departament de Politiques Digitaus e Administracion Publica.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies