Notícies Notícies de Govèrn

CONVÈNI ENTRE ETH CONSELH GENERAU D’ARAN E ERA EMD DE GESSA ENTATH FINANÇAMENT DES ÒBRES D’ASSOLIDAMENT E ACCÉS ATH CAMPANAU DERA GLÈISA DE GESSA

Era EMD de Gessa, conscient dera importància de mantier e preservar eth patrimòni arquitectonic deth sòn pòble collaborarà economicament damb eth finançament d’aguesta actuacion.

 

 

Eth sindic d’Aran, Carlos Barrera, e eth president dera Entitat Menor Descentralizada (EMD) de Gessa, Marcos Amiell, an signat un convèni entath finançament des òbres deth campanau dera glèisa de Gessa.

Eth Conselh Generau d’Aran, en vertut der article 51.2 e 3 dera Lei 1/2015, de 5 de hereuèr, deth Regim Especiau d’Aran, a competéncia plea en matèria de proteccion, conservacion, gestion e administracion deth patrimòni culturau, e a de garantir er enriquiment deth patrimòni istoric, culturau, arqueologic, documentau, juridic, paisatgistic, artistic, scientific, etnologic, geologic e industriau d’Aran e des béns que l’intègren, quinsevolh qu’en sigue eth regim juridic e titolaritat.

Eth deteriorament fisic e envielhiment progressiu deth patrimòni arquitectonic e de bens culturaus hè de besonh era collaboracion de totes es administracions implicades entà arturar aguesta degradacion arquitectonica de bens atau coma era pèrta de valors istorics e culturaus.

Era Diputació de Lleida e eth Conselh Generau d’Aran signèren eth 25 de junhsèga de 2016 eth Convèni Marc de Collaboracion entre andues administracions, eth quau inclodís er ambit dera restauracion deth patrimòni arquitectonic e bens culturaus.

Es Servicis Tecnics deth Conselh Generau d’Aran an redactat un projècte d’execucion dera actuacion “Consolidacion e accés ath campanau dera glèisa de Gessa”, pr’amor qu’es quate murs deth madeish presenten henerècles importantes que trauèssen tot er ample deth mur damb un impòrt de seishanta nau mil euros (69.000,00 €), IVA includit.

Era EMD de Gessa, conscient dera importància de mantier e preservar eth patrimòni arquitectonic deth sòn pòble collaborarà economicament damb eth finançament d’aguesta actuacion damb un maxim de trenta quate mil cinc cents euros (34.500,00 €), IVA includit.

 

 

 

 

Vielha, 10 de mai de 2018

 

Conselh Generau d’Aran: Núria Sanjuan

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies