Notícies

Coronavirus: Trump acusa China de “murtre de massa mondial”

Lo president dels Estats Units, Donald Trump, a acusat tornarmai China de la propagacion del coronavirus dins lo Mond en gausant afirmar que “l’incompeténcia” d’aquel país a permés l’arribada d’“aqueste murtre de massa mondial”.
 
Trump a ja acusat mai d’un còp China d’aver permés la propagacion del virus pel mond. Mas, aqueste còp, es estat mai que mai dur. “Qualque baug en China a publicat una declaracion qu’acusava totòm franc de China pel virus, qu’ara a assasinat de centenats de milièrs de personas”, çò a dich Trump sus Twitter en tot demandar als jornalistas que rapòrtan qu’es estada “l’incompeténcia de China e pas res mai qu’a causat “aqueste murtre de massa mondial”.
 

Some wacko in China just released a statement blaming everybody other than China for the Virus which has now killed hundreds of thousands of people. Please explain to this dope that it was the “incompetence of China”, and nothing else, that did this mass Worldwide killing!

— Donald J. Trump (@realDonaldTrump) May 20, 2020
 
Fa qualques jorns, dins una conferéncia de premsa, Trump aviá acusat China d’aver pas arrestat lo virus a l’origina.
  “M’agradariá de veire de chifras pus bassas, m’agradariá veire pas cap de mòrt. Tot mòrt es de sòbra. Aquò se seriá pas degut jamai passar. Aquò venguèt de China, se seriá degut arrestar en China abans d’anar pel Mond. Avèm 186 païses aqueste matin, 186 païses son afectats. E en cada país es la meteissa causa. Russia es ara plan afectada. França es plan afectada. Agachas quin país que siá e pòdes dire «afectat» o poiriás dire «infectat». Es quicòm de terrible, çò que s’es passat. Se seriá pogut arrestar a la sorsa, aquí d’ont sortiguèt, mas o foguèt pas.”
   
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies