Notícies

Daniel Brugès: l’arma occitana qu’a besonh d’evasion

Daniel Brugès es un artista plastic e un escrivan cantalon, qu’après aver trabalhat longtemps la pintura d’òli figurativa, creèt una sèria de tablèus de grands formats d’estil abstrach durant dos ans, e retornèt al figuratiu.
 
Definís sa pintura, bèl primièr, coma una ofrenda de son “ieu” ligat a Auvèrnhe. Desira transmetre son “espessor d’existéncia” e sa “dimension d’èsser ancorada dins l’arma occitana mas qu’a besonh d’evasion”. Son encaminament consistís a liberar, gràcias al contacte amb lo supòrt e per un gèst adaptat al moment, una cèrta intensitat interiora de pro mal definir mas totjorn al limit dels dos monds, lo real e l’imaginari.
 
Coma escrivan, Brugès a escrich 25 libres, dont qualques unes en occitan.
 
En 1989, per la fièra dels libres de Ruenas de Marjarida, realizèt amb Christiane Valat una performança artistica: pengèt cada jorn pendent un an un tablèu representant lo libre. Las 365 òbras foguèron expausadas en plen aire dins l’encastre de la fièra del libre en julhet e foguèron vendudas a l’enquant.
 
Dins los ans 1990 participèt a d’operacions restacadas al mail art amb d’exposicions internacionalas. Dempuèi los ans 2000 a abandonat progressivament l’òli al profièch de l’acrilic, de l’aquarèla e del dessenh.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies