Espòrts Notícies Notícies toristiques

Daurides es inscripcions tà ua naua edicion dera Marxa Beret, era hèsta der esquí de hons

Era 40au edicion se celebrarà es dies 2 e 3 de hereuèr.

Enquiath 14 de gèr, toti es inscriti gaudissen d’un prètz mès redusit.

 

Era Marxa Beret ei ua des pròves d’esquí nordic mès assolidades que se realizen en territòri nacionau e que cada an compde damb mès de 1.000 participants de tota Euròpa. Era pròplèu edicion se disputarà es dies 2 e 3 de hereuèr de 2019. Aguesta marcha de caractèr popular, a era intencion de convertir-se ena hèsta der esquí nordic. Entad açò, era organizacion compausada peth Conselh Generau d’Aran e pera estacion d’esquí Baqueira Beret, a prepausat ua sèria d’eveniments parallels ara Marxa Beret es quaus an coma objectiu que toti es sòns participants e seguidors gaudisquen d’ua agradiua dimenjada ena Val d’Aran.

Era Marxa Beret, qu’enguan arribe ara 40au edicion, data der an 1977. Era edicion deth 2019 ei includida en calendari FIS de carrères populares, Campionat d’Espanha de Longa distància e Copa Espanha d’Esquí de hons.

Eth dissabte, 2 de hereuèr, aurà lòc er Sprint Salomon qu’aguesta edicion serà “Campionat d’Espanha d’Sprint” ena modalitat de tecnica liura.

Eth dimenge, 3 de hereuèr, Start dera 40au edicion dera Marxa Beret damb es distàncies de: 42km, 21km e era populara de 10km.

Es inscripcions s’an de realizar per Internet, a trauès dera web dera Marxa Beret, www.marxaberet.com, enquiar 1 de hereuèr. Ath delà soslinhar que toti aqueri que s’inscriuen abans deth 14 de gèr de 2019 gaudiràn d’ua tarifa mès redusida. Es inscripcions presenciaus seràn ena Casa d’Acuelhuda, en Salardú, eth 2 de hereuèr.

 

PROGRAMA

Diuendres, 1 de hereuèr

– 16:00: Dubertura dera Sala d’Inscripcions
– 20:30: Barrament Sala d’Inscripcions

Dissabte, 2 de hereuèr

– 09:00: Dubertura dera Sala d’Inscripcions
– 10:00: Campionat d’Espanha “Sprint Salomon” Plan de Beret
– 19:00: Despartiment de prèmis Campionat d’Espanha.
– 19:30: Presentacion «40au Marxa Beret»
– 21:00: Barrament dera Sala d’Inscripcions

Domingo, 3 de hereuèr

– 10:00: Gessuda 40au Marxa Beret
– 13:30: Despartiment de prèmis
– 14:00: Ceremònia de Clausura
– 15:00: Barrament deth circuit

 

Mès informacion en: www.marxaberet.com.

 

 

 

 

Vielha, 14 de deseme de 2018

 

Conselh Generau d’Aran: Núria Sanjuan

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies