Notícies Slider

Diversion e fòrça nhèu ena 2au edicion dera Quattro Era Baishada en Baqueira Beret

  • Mès de 120 esquiaires participèren en aguesta eterogènia carrèra populara ena quau guanhèren Andrea Jardí e er aranés, Edu Puente. Jos ua fòrta nheuada es esquiaires gaudiren d’aguest eveniment open organizat per Audi e Baqueira Beret que barrege totes es modalitats der esquí aupin e reviu er esperit dera mitica Era Baishada des ans 90.

quattro-era-baixada_ EDU PUENTEEDU PUENTE TASÍAS. Foto de Carles Rusiñol

 

Es intenses nheuades tornèren ara Val d’Aran era dimenjada deth 21 e 22 de hereuèr dempús d’ua setmana d’un brilhant solei. Maugrat açò, se confirmèc qu’era nhèu hè part der ADN des 120 inscriti d’Era Baishada que non se deishèren acoquinar pera meteorologia e gaudiren de dues manges eth dissabte en Stadium de Beret.

Aguesta apassionanta carrèra dubèrta a totes es categories a compdar de juveniles enquias mès veterans, òmes e hemnes, se disputèc ath long de 336 m de desnivèu damb ua longitud de 1.300 m. Eth traçat començaue damb gessuda en parallel de supergegant, entà passar a ua loma de sauts qu’enlaçaue damb eth punt mès rapid qu’evidentaments ere eth quilomètre lançat en quau es mès rapids superèren es 100 km/ora dempús deth prumèr plan es traçats se junhien e es esquiaires auien de passar per altiplans, peralts, un traçat de gigant e un aute viatge peralts damb saut finau abans de crotzar era mèta. Entà decidir eth resultat finau s’escuelhie era manja mès rapida des dus traçats realizadi pes participaires.

Andrea Jardí, era hemna mès rapida

Era ex-compausant dera equipa espanhòla d’esquí aupin dera RFEDI, olimpica eth Vancouver’10 e actuauments entrenadora deth CAEI en Baqueira Beret merquèc eth melhor temps damb 1:15:10. Aguest crono li valec era prumèra posicion dera categoria sènior e l’acreditèc coma eth melhor temps femenin absolut. Era esquiaira deth Vendrell afirmèc que “mos auem inscrit damb es corredors juvenils qu’entreni e açò ei ua situacion naua per toti que mos motive a dar eth melhor de cadun en un traçat fòrça polit en quau destaquen es peralts e dubbies qu’èren fòrça ben hèts e hèn era baishada mès variada”. En es autes categories es guanhadores sigueren Cristina Ferreras en Veteranes III damb 1:46:30, en Veteranes I guanhèc Georgina Arnau damb 1:37:52 e en Juvenils era mès rapida siguec Marta García damb 1:19:14.

Er aranés, Edu Puente, ratifiquèc eth títol dera 1a edicion

Er esquiaire aranés, e frair der olimpic Àlex Puente en Sochi’14, ja conquistèc eth títol est an passat e ena pròva deth dissabte tornèc a erigir-se er esquiaire mès complèt d’aguesta carrèra damb un crono de 1:10:36. Er actuau director tecnic deth CAEI expliquèc qu’aguesta ei ua carrèra “tant entà ex-corredors coma jo mès tanben ei pensada entà esquiaires de torisme que volguen passà’c ben e lo bon ei que cadun pòt adaptar eth sòn nivèu ath traçat e gaudir dera experiéncia”. En Veterans IV eth prumèr siguec Rafael Ruano damb un temps de 1:29:07 e en Veterans III eth guanhador siguec Javier Cardeñes damb un excellent crono de 1:19:16. En Veterans II Rafa Mombiedro, qu’enes 90 s’auie ja adjudicat bèra ua des Era Baishada originaus, guanhèc damb 1:15:07 e en Veterans I Wilson Castet pugèc ath mès naut deth pòdi damb 1:17:56. En Juvenils çò de mès de rapid siguec Borja Sabugal damb 1:13:73.

Liurament de prèmis e tòia de regals

Ath delà deth pack de benvenguda que s’obsequiava as inscriti, dempús deth liurament de prèmis ena quau es guanhadors se portauen un cors de conduccion en Audi Driving Experience impartit pes frairs Gené, es participaires optèren a ua generosa tòia d’esquís e materiau Salomon.

Dempús dera tòia e damb eth prètz dera inscripcion es participaires gaudiren deth minjar Quattro Era Baishada en restaurant Audeth deth Plan de Beret.

Pòdis complèrts en: http://bit.ly/1DIj7AN

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies