Notícies Slider

Dubèrta ath public era exposicion “Eth Mon de Gaspar de Portolà”

Eth Parador Nacionau Gaspar de Portolà d’Arties acuelh era exposicion “Eth Mon de Gaspar de Portolà”, que serà dubèrta ath public tot eth dia de deluns a dimenge pendent es pròplèus mesi.

Eth passat deluns, 15 de junhsèga, diuèrsi representants deth Conselh Generau d’Aran, er Ajuntament de Naut Aran, era EMD d’Arties e eth Parador Nacionau d’Arties, entre eri eth sindic d’Aran, Francés Boya, era vicesindica, Maria Vergés, e eth conselhèr de Territòri, Francisco Bruna, assistiren ara dubertura dera mòstra acompanhadi peth sòn comissari, Josep Lluís Ribes.

Gaspar de Portolà (1717-1786), militar e explorador, ei coneishut per auer estat eth prumèr governador de Califòrnia e fondador des ciutats de San Diego e Monterrey.

Es Portolà èren ua familha dera petita noblesa, terratenents especializadi en bestiar cavalam e fòrça relacionadi damb eth pòble d’Arties, pr’amor qu’aquiu  auien ua casa pairau qu’a dia d’aué se trape integrada en Parador Nacionau e dera quau se conserven era tor e era capèla.

Aguesta exposicion der Institut d’Estudis Ilerdencs remasse cartografia, documents e armes dera expedicion de Portolà, mès era sua figura ei encara a dia d’aué un mistèri, pr’amor que se’n desconeishen fòrça detalhs dera sua persona.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies