Cabecera Notícies Slider

Era Val d’Aran acuelh ua conferéncia e ua classe magistrau d’ipopressius damb Piti Pinsach

Eth Conselh Generau d’Aran acuelhec era conferéncia de Piti Pinsach, “Ipopressius e càncer de pròstata”.

• Pinsach, tanben realizèc ua classa magistrau d’exercicis ipopressius en Palai de Gèu de Vielha.

IPOPRESSIUS_conferencia

Eth Conselh Generau d’Aran acuelhec dimars passat era conferéncia “Ipopressius e càncer de pròstata” a cargue de Piti Pinsach, damb era preséncia deth conselhèr de Salut e Benéster d’Aran, Eduardo Valdecantos, ath delà d’ua cinquantia d’assistents. Londeman, Piti Pinsach, realizèc ua classa magistrau en Palai de Gèu de Vielha, damb 15 alumnes.

IPOPRESSIUS_1

Aguestes activitats compdèren damb era collaboracion deth Palai de Gèu de Vielha, eth Conselh Generau d’Aran, er Ajuntament de Vielha e Mijaran e era Junta Locau d’Aran dera AECC- Catalonha contra eth càncer.

IPOPRESSIUS_2

Era tecnica ipopressiva se base ena mantenença d’ua determinada postura pendent cèrt temps. Ei un eficaç metòde de correccion postural e ei recomanat entà redusir era centura, melhorar era actitud postural e trabalhar e refortilhar eth solèr pèlvic. Tanben entà esportistes que volguen incrementar eth sòn rendiment e previer lesions e sustot entà hemnes que practiquen activitat fisica e espòrt entà previer era casuda des organs pèlvics.

IPOPRESSIUS_3

Uns auti des beneficis des ipopressius son era ajuda as òmes damb problèmes de pròstata, melhora dera foncion sexuau, melhora dera foncion respiratòria, melhora e preven era incontinència urinària, te recupères melhor deth pospart e melhore era foncion respiratòria.

IPOPRESSIUS_4

Piti Pinsach, licenciat en Sciéncies dera Activitat Fisica e der Espòrt, Doctorat en Morfologia Medicau, pòrte mès de dètz ans en tot trabalhar en desvolopament d’aguestes tecniques coma mejan preventiu, de melhora dera salut e rendiment esportiu.

IPOPRESSIUS_5

Dejà hè un temps, eth Palai de Gèu de Vielha realize classes d’ipopressius.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies