Notícies Slider

Era Val d’Aran entrarà ena Fasa 2 de desescalada eth pròplèu 25 de mai

  • Eth Sindic d’Aran acordèc eth passat dimèrcles damb era Conselhèra de Salut dera Generalitat aguest auanç, pr’amor qu’es donades de contagi e recuperacion deth territòri son favorables, mès cau rebrembar qu’ei de besonh préner totes es mesures de proteccion establides entà evitar un nau rebròt de COVID-19 en Aran

Atau coma acordèc hè pògui dies eth Sindic d’Aran, Francés Boya, damb era Conselhèra de Salut dera Generalitat, Alba Vergés, a compdar deth pròplèu deluns, 25 de mai, era Val d’Aran entrarà ena Fasa 2 de desescalada dera crisi deth COVID-19 segontes a confirmat aguesta madeisha tarde eth Ministre de Sanitat, Salvador Illa.

“Era situacion sanitària dera Val d’Aran ei estabilizada, era manca de naui contagis e es nòstes donades de recuperacion mos permeten dar aguest pas”, afirme eth sindic d’Aran, en tot híger que: “a despièch d’aguest auançament entara naua normalitat, cau rebrembar qu’entà evitar un nau rebròt de contagis de COVID-19 en territòri ei de besonh respectar es normes establides pes autoritats competentes”.

Era entrada en aguesta naua fasa de desescalada ei ua passa mès entà recuperar era normalitat. Aguestes son quauques des mesures mès destacables dera naua fasa:

  • Se poirà circular pera província o unitat de referéncia a efèctes deth procès de desescalada.
  • Es velatòris se poiràn realizar en tot tipe s’installacions, publiques o privades, damb un limit de 25 persones ar aire liure o 15 en espacis barrats.
  • Se permet era assisténcia as lòcs de culte damb un limit deth 50% d’aucupacion.
  • Se poiràn celebrar ceremònies nupciaus en tot tipe d’installacions, publiques o privades, en espacis ar aire liure o en espacis barrats, tostemp que non se supère eth 50% dera sua capacitat e damb un maxim de 100 persones en espacis ar aire liure o 50 en lòcs barradi.
  • S’amplie era capacitat d’establiments e locaus minoristes a un limit deth 40% e damb servici prioritari as majors de 65 ans.
  • Se procedís ara dubertura des establiments d’ostalaria e restauracion entath consum laguens deth locau, a excepcion des discotèques e bars d’òci nocturn.
  • Se permeteràn es visites as usatgèrs de centres residenciaus tà persones damb discapacitat o persones granes en situacions excepcionaus, damb visites concretades prèviament e de solet ua persona per resident, en tot préner es mesures de besonh.
  • Se procedís ara dubertura ath public des zònes comunes des otèls e lotjaments toristics.
  • Dubertura de monuments e d’auti equipaments culturaus damb ua limitacion d’un tèrç dera sua capacitat.
  • Dubertura de cinèmes e d’auti espacis destinadi a actes e espectacles culturaus, damb butaques pre asignades e sense superar un tèrç dera sua capacitat.
  • Se permet qu’es esportistes de ligues non professionaus reprenen es entrenaments individualizats.
  • Es clubs esportius professionaus poiràn desvolopar entrenaments de caractèr totau.
  • Dubertura ath public des piscines recreatives damb ua limitacion deth 30% dera sua capacitat.

Podetz consultar en BOE totes es mesures dera Fasa 2 de desescalada.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies