Notícies

Es mòrt Chuck Berry, legendari guitarrista e pionièr del ròck

Lo legendari guitarrista estatsunidenc Chuck Berry, un dels pionièrs del ròck, moriguèt dissabte a l’edat de 90 ans.
 
Son ròck proveniá del blues e del country. Sus l’empont èra un vertadièr “showman” amb un estil revolucionari. Creèt un estil pròpri e influiguèt de generacions d'artistas que lo veneravan. Aviá publicat mai de 50 albums, mas fasiá 38 ans que publicava pas res. Òr, en octòbre passat, lo jorn de sos 90 ans, anoncièt un nòu album, que sortirà ongan. Aquò serà son òbra postuma; es un trabalh que lo dediquèt a sa femna, Thelmetta.
 
L’encarcèron per trafec d’enfants, e a la fin dels ans 1970 lo condemnèron per evasion fiscala. Mas res lo faguèt pas davalar dels emponts.
 
Chuck Berry consagrèt tota sa vida al Ròck & Ròll. Son primièr hit foguèt Maybellene, enregistrat en 1995, quand el aviá 29 ans. Seguirián una molonada de tèmas fòrça coneguts, dont es de soslinhar Johnny B Goode, una cançon universala dempuèi que lo vaissèl Voyager la fa sonar.


 
 

 



 
 

Leave a Reply

Your email address will not be published. Required fields are marked *