Notícies

Es mòrt Mory Kanté, legenda de la musica mandinga

Lo cantador mandinga Mory Kanté nos quitèt aqueste divendres passat als setanta ans a Conakry (Guinèa). Kanté venguèt conegut mondialament per la cançon Yé ké yé ké, amb la quala portèt sa lenga mandinga al Mond entièr.
Lo cantador mandinga Mory Kanté nos quitèt aqueste divendres passat a setanta ans a Conakry (Guinèa). Kanté se faguèt conéisser mondialament per la cançon Yé ké yé ké, amb la quala aduguèt sa lenga mandinga a tota la planeta.
 
Nasquèt al sen d’una familha de musicians ambulants de Mali e de Guinèa, los diches “griòts“ o tanben “jaloolu” en lenga mandinga, e foguèt educat dins las musicas tradicionalas de las culturas de l’Africa de l’oèst. En mai de cantar, tocava la kora, lo balafon e la guitarra. Quand aviá 21 ans, lo saxofonista Tidani Koné l’integrèt al Rail Band de Bamako, una orquèstra menada per Salif Keita. Pus tard, vendriá un musician de portada mondiala e, tot en mesclant tradicion e modernitat, popularizariá per tota la planeta la musica de rasic tradicionala d’aquela region d’Africa.
 
Lo president de Guinèa, Alpha Condé, a dich que “la cultura africana es en dòl” dins un messatge sus Twitter ont exprimissiá sa prigonda simpatia “als pus entristits” e mercejava l’artista en declarant que foguèt “exemplar” e “una fiertat”.
 
 

 

 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies