Notícies Notícies de Govèrn

Es Pompièrs d’Aran participen enes XXVIIau Amassades nacionaus de crèma de pastures en França

Vielha, 5 d’octobre de 2017.- Es Pompièrs d’Aran an participat entre eth 4 e eth 6 d’octobre ena 27au edicion des Amassades nacionaus de practica sus crèma tecnica de pastures, organizades pera Cambra d’Agricultura Haute Garonne, Saupeurs-Pompiers Haute Garonne e era Communauté de Communes Pyrénées Haut Garonnaises.

Es diuèrses presentacions an agut lòc ena aula dera Colònia “Vacances Action Social e Armées” en Garin (Bagnères de Luchon). Garin se tròbe ena val de Larboust en còr des Pirenèus en Comminges, a 55 km ath sudoest de Saint-Gaudens.

Era amassada sus crèmes tactiques de pastures includie entre d’autes activitats ua session de trabalh sus es darrèri auanci en huecs tactics e ua visita ath centre d’emergéncies de Bagnères de Luchon e era presentacion des equipaments.

Pendent es jornades tanben s’amièren a tèrme activitats damb visites sus eth terren d’ua crèma realizada ath costat dera montanha entà protegir era commune de Cazaril-Laspenes, e ua des crèmes realizades entà evitar es lauegi en passatge deth pas de montanha deth Peyresourde.

Era amassada includie era exposicion itineranta sus incendis creadi pera Ciutat dera Sciéncia e er informe deth Conselh Regionau Economic, Sociau e Ambientau de Provença-Aups-Còsta Blua sus era adaptacion ath cambi climatic en aguesta zòna de França.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies