Notícies

Escambi occitan entram collegians gascons e provençaus

Deth 7 ath 10 d’abriu, 37 collegians de quatau deth collègi d’Aurinhat (Comenge) que participèren a un viatge culturau e lingüistic en Provença, organizat peths professors d’occitan e de latin deth establiment. Que visitèren Arle —era Basilica Sant Trefume, eths vestigis dera Antiquitat romana, sense desbrembar era estatua de Frederic Mistral—, Camarga, eth Pont de Gard e qu’anèren entà Sant Romieg de Provença on arrescontrèren eths lors camaradas deth cors de provençau. Tot ath long dera annada, qu’avian escambiat vidèos per Internet e que s’avian atau podut hèr ua idèa sus eth parlar de cadun.
 
Eth maitin, dus collegians d’Aurinhat que presentèren en gascon eth son establiment e eth son vilatge. Après, cada collègi que joguèc tres peçòtas de teatre aprestadas en classa, abans d’arrescontrar era tropa de teatre deth Plan d’Orgon que les presentèc ua seleccion deras suas creacions en provençau. Que i avec tanben un escambi de cançons, aquí tanben en provençau e en gascon, que s’acabèc per Aqueras Montanhas. Era vrespada, eths collegians qu’anèren visitar amassa eth sit de Glanum e que’s passegèren ua estona peras carrèras de Sant Romieg. D’aqueth temps, eths professors que’n profeitavan entà evocar era possibilitat de perlongar aqueth escambi. Bilhèu eth an que venc en Gasconha?
 
 
 
 
Joan-Pau Ferré
 
 


fffff   fffff
  Jornalet a l’escòla
 
Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
 
Se cada escòla nos manda quatre o cinc notícias per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
 
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
     

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies