Escòcia vòl de competéncias en immigracion – aranes.org
Notícies

Escòcia vòl de competéncias en immigracion

Lo govèrn escocés vòl assumir de competéncias en immigracion. Segon un nòu document de trabalh de l’executiu d’Escòcia, existís “d’arguments irrefutables” per defendre “un sistèma especific” pel país. Lo rapòrt assegura qu’Escòcia e la rèsta del Reialme Unit an de besonhs migratòris desparièrs. Afortís qu’una baissa de l’immigracion en Escòcia li portariá tòrt: lo país poiriá pèrdre 10 miliards de liuras per an devès 2040 e aquò agravariá la situacion de las regions ruralas escocesas, fòrça afectadas pel despoblament.
 
L’SNP —lo partit del govèrn d’Escòcia— considèra que la continuitat de l’arribada d’immigrants ajudarà a refortir l’economia e los servicis socials, e crenh qu’un Brexit dur compòrte de restriccions a l’installacion en Escòcia de nòus residents en provenença de l’Union Europèa. Argumenta tanben que la politica migratòria deuriá facilitar lo regropament familial.

 
  Aquesta nòva es adaptada de Nationalia amb qui Jornalet ten un acòrdi de cooperacion.
 
 
 



 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies