Notícies

Espanha demanda a Belgica qu’intercedisca per salvar lo jutge Llarena

Lo ministre dels afars estrangièrs espanhòl, Josep Borrell, ordenèt ièr a l’ambaissadora d’Espanha en Belgica que demandèsse al govèrn d’aquel país que defendèsse lo jutge  Pablo Llarena, cridat davant la justícia bèlga, e qu’aparèsse l’immunitat judiciària espanhòla del magistrat. Borrel o faguèt en seguida d’una sollicitacion del Tribunal Suprèm espanhòl que li demandava d’intervenir per que lo govèrn de Belgica defendèsse lo jutge espanhòl davant la justícia bèlga.
 
Lo jutge espanhòl en question, Pablo Llarena, es lo qu’a entamenat lo procès per rebellion contra los politicians catalans en preson o en exili. Ara, el es cridat a comparéisser davant la justícia bèlga lo 4 de setembre que ven; los exiliats politics catalans l’acusan d’aver otrapassat sas foncions.
 
Ara Espanha poiriá aver tornarmai un conflicte diplomatic amb Belgica, après la tension viscuda en octòbre passat quand la justícia bèlga refusèt los mandats d’arrèst europèus contra los exiliats catalans.
 
 
Llarena decidís de destituir qualques deputats
 
En mai de tot aquò, Llarena ordenèt de destituir los deputats catalans elegits lo 21 de decembre passat qu’es a jutjar, es a dire Oriol Junqueras, Jordi Sànchez, Raül Romeva, Jordi Turull e Josep Rull, en preson preventiva, e Carles Puigdemont, en exili.
 
Es lo primièr còp en democracia qu’un jutge vòl alterar la composicion d’un parlament  e rèsta de veire quinas consequéncias pòt aver tot aquò, en particular se los deputats catalans o accèptan.
 
 
 
 

Ara @anna_caula sobre la suspensió dels diputats: "Una vegada més veiem com tornem a patir un atac per part de l’Estat espanyol a la nostra sobirania" #Parlament pic.twitter.com/zbNqY12JZa

— Esquerra Republicana (@Esquerra_ERC) 10 de juliol de 2018

 





 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies