Espòrts Notícies

Eth CETEI Val d’Aran participe ena Jornada Internacionau d’Airaus de Carrèra Dual en CAR de Sant Cugat

Vielha, 11 de junh de 2019.- Eth CETEI (Centre Especializat de Tecnificacion d’Espòrts d’Iuèrn) Val d’Aran a participat aguesta setmana ena Jornada Internacionau d’Airaus de Carrèra Dual, qu’a debanat en CAR (Centre de Naut Rendiment) de Sant Cugat.

Aguestes jornades an apropat projèctes internacionaus d’airaus de carrèra dual qu’an compartit es linhes mès innovadores. Atau madeish, es jornades an servit tà exposar era experiéncia coma Centre de Tecnificacion dera Val d’Aran ena taula redona dera Jornada internacionau, amassa damb d’auti projèctes e professionaus coma: Susana Regüela (CAR-UAB), Albert Busquets (CN Banyoles), Ana Merayo (FCB), Luana Prato (CN Sabadell) e Eduardo Morelló (Villareal CF).

D’auta part, eth CETEI Val d’Aran a signat un convèni de collaboracion damb eth Mastèr de Psicologia der Espòrt e de Naut Rendiment dera Universitat Autonòma de Barcelona (UAB) e INEFC Barcelona, a trauès deth que s’arreceberà era collaboracion des estudiants de fin de mastèr entà poder provedir aspèctes restacadi damb eth supòrt ar esportista pendent era sason 2019-2020.

D’aguesta collaboracion e supòrt se beneficiaràn es seguiments academics e es esportistes de Pre Tecnificacion e de Tecnificacion entà qu’agen er acompanhament de besonh enes transicions esportiues.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies