Cachou Notícies os oso Slider

Eth Conselh demane era retirada des ossi conflictius dempús deth dusau atac de Cachou ath bestiar equin en pògui dies

  • Eth Conselh demanarà ara Generalitat de Catalonha era modificacion deth decret de maus a fin d’aumentar eth valor indemnizable e equiparar-lo ath dera rèsta de parçans vesins

  • Atau madeish, eth Govèrn d’Aran vò formalizar eth traspàs de competéncies en toti es ahèrs qu’an a veir damb era fauna sauvatge entà èster mès agils e eficients deuant aguestes situacions

Era net de dimars a dimèrcles eth mascle d’os Cachou aucic ua cavala d’uns 17 ans, apuprètz, en municipi de Vielha e Mijaran. Aguest ei eth dusau cap de bestiar equin predat per aguest exemplar en ua setmana. S’a podut identificar a Cachou coma autor d’aguesti dus atacs gràcies ath dispositiu de GPS que se li placèc en mes de mai entath sòn seguiment.

Deuant aguesti atacs, eth sindic d’Aran, Francés Boya, a volut manifestar era sua indignacion deuant aguesti hèts e era totau solidaritat damb es ramadèrs aranesi que patissen aguesta problemática, en tot deishar clar que: “vam a insistir de forma contondent en qu’es protocòus e mesures dera Generalitat s’adapten tà poder extrèir deth miei a toti aqueri ossi que siguen conflictius”.

Eth conselhèr de Territòri, Paisatge e Gestion Ambientau, Francisco Bruna, a afirmat que “se va a demanar ara Generalitat de Catalonha era modificacion deth decret de maus (decret 176/2007, deth 31 de junhsèga) a fin d’aumentar eth valor indemnizable e equiparar-lo ath dera rèsta de comunitats vesies e França”.

Tanben se demanarà ath govèrn catalan eth traspàs de competéncies “en toti es ahèrs qu’an a veir damb era fauna sauvatge entà que podam èster molt mès agils e eficients ara ora de solucionar es problematiques des nòsti ramadèrs”, assegure Bruna. Fin finau, eth Conselh vò trèir una linha de subvencions entà sufragar eth bestiar desaparegut, “de forma qu’es nòsti ramadèrs poguen auer ua compensacion per tot aqueth bestiar que se pèrd enes montanhes”.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies