Espòrts Notícies Slider

Eth Conselh Generau destinarà lèu 400 mil euròs entara creacion dera Via Ciclable deth Garona en tram entre Aubèrt e Vielha

  • Aguesta Via Ciclable deth Garona s’amassarà damb eth camin ciclable TransGarona, que connectarà era Val d’Aran damb Tolosa e se facilitarà atau era mobilitat sostenible, er espòrt saludable e era activacion territoriau per miei dera valorizacion deth pròpri territòri, ath temps que se cree un nau producte toristic

Eth govèrn deth Conselh Generau d’Aran a aprovat en sòn Conselh de Govèrn era inversion de 399.000 euròs en bastiment dera Via Ciclable deth Garona en tram qu’amasse es poblacions d’Aubèrt e Vielha.

Ena actualitat, era unica via que recor er entorn der arriu Garona ena Val d’Aran per a on pòden circular es bicicletes ei era carretèra N-230, que pr’amor der elevat nombre de veïculs que la trauèssen e era grana quantitat de camions qu’i circulen, esdeven ua via pòc adequada entà garantir era seguretat des ciclistes.

Ath delà, aguesta via entre Aubèrt e Vielha connectarà damb eth camin ciclable Transgarona, un projècte transfronterèr impulsat peth Conselh Generau d’Aran e eth Conseil Départemental de la Haute-Garonne, qu’amassarà era Val d’Aran damb eth centre-sud de França.

Eth sindic d’Aran, Francés Boya, a afirmat que “damb era creacion d’aguestes rotes ciclables non sonque s’amplie era aufèrta esportiua en territòri senon qu’ath delà se cree un nau producte toristic e de mobilitat a nivèu internacionau”.

Era Via Ciclable deth Garona, que compde damb eth supòrt economic dera Direccion Generau d’Infraestructures de Mobilitat dera Generalitat e eth Hons Europèu de Desvolopament Regionau (FEDER), profitarà ena mesura possible eth Camin Reiau e preten formar part dera rota nord-sud que trauessarà es Pirenèus.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies