Aran Literatura Mn Condò Notícies Slider

Eth Conselh Generau organize ua naua edicion des concorsi literaris Aran de Literatura e Mn Condò Sambeat

  • Aguesti prèmis promocionen er usatge der aranés ena literatura e son dubèrti a totes es persones interessades

Eth departament de Cultura e Lengua deth Conselh Generau d’Aran  a convocat era XXau edicion deth Prèmi Aran de Literatura, era XXXau edicion deth Concors Literari Mn Condò Sambeat e era 13au edicion deth Concors de Diboish ena Escòla.

Eth Concors Literari Mn Condò Sambeat va dirigit as estudiants de 5au e 6au de primària, atau coma dera ESO e Bachelierat que non agen complit encara 18 ans. I a dues categories: narracion e poesia, es òbres an d’èster inedites e escrites en aranés.

En çò que tanh ath Concors de Diboish ena Escòla i a quate categories: de 1èr a 4au de primària, 5au e 6au de primària, de 1èr a 4au dera ESO, e categoria Bachelierat e Professionau. Era tematica d’enguan entad aguest concors ei “Es Pompièrs”.

Pendent era primauera d’aguest 2020 tanben se celebrarà era 13au edicion deth Festivau de Teatre ena Escòla. Enguan, era òbra serà representada pera Escòla Garona de Vielha ena Sala d’Actes der estudi damb es mainatges e mainades deth Cicle Iniciau.

Eth Prèmi Aran de Literatura a tres categories: poesia, narracion e novèlla juvenila e ei adreçat as adults de 18 ans ensús. Sonque s’acceptarà ua òbra per categoria mès ua madeisha persona pòt presentar-se as tres categories.

Entàs guanhadors d’aguesti concorsi s’aufrirà un prèmi en metallic e un diplòma depenent dera categoria e se harà entrega deth madeish enes dies propèrs ara Hèsta d’Aran, eth 17 de junh.

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies