Bruisheria cultura Musèu dera Val d'Aran Notícies Slider

Eth Musèu dera Val d’Aran culmine era “Setmana de Bruishes” en Joanchiquet

Aué, diuendres 19 de junhsèga, en Ecomusèu çò de Joanchiquet de Vilamòs, eth Musèu dera Val d’Aran prepause ues activitats fòrça especiaus entà aprigondir en coneishement deth fenomèn dera bruisheria a nivèu europèu e pirenenc.

Entàs 18 ores, er istorian e professor dera Universitat de Barcelona (UB), Pau Castell, aufrís era conferéncia “Toti didien qu’ère bruisha. Era cacèra de bruishes en Pirenèu”, que brinde era oportunitat de conéisher era istòria dera bruisheria en Euròpa, des dera sua creacion, passant pera cacèra e judicis des bruishes enes Pirenèus.

Pau Castell, ath delà d’expèrt ena aguesta tematica, ath torn dera quau vire era sua tèsi, a estat eth comissari dera exposicion sus era bruisheria enes tèrres de Ponent e Pirenèus “Se’n parlave i n’hi havie“, que se pòt visitar enquiath 30 d’agost en Ecomusèu çò de Joanchiquet.

En acabar era conferéncia, es inscrits ath “Sopar de bruishes” s’amassaràn en restaurant Uishera House de Vilamòs. Era resèrva de places ei dejà barrada.

Fin finau, tàs 22 ores ena bòrda de Joanchiquet, se projectarà eth documentau “Becquer y las brujas“, film reconeishut damb fòrça prèmis a nivèu estatau e qu’abòrde era bruisheria ena epòca deth poèta Gustavo Adolfo Becquer (s. XIX).

Era assisténcia ara conferéncia e projeccion ei gratuïta, mès es places son limitades, per aquerò se demane as assistents maximala puntualitat.

Era “Setmana de Bruishes” ei ua iniciatiua organizada des deth Musèu dera Val d’Aran damb motiu dera exposicion itineranta “Se’n parlave i n’hi havie“, produsida per Hilat de Musèus des tèrres de Lhèida e Aran.

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies