Aran Conselh Generau d'Aran Notícies plen Politica aranesa Session plenària Slider Val d'Aran

Eth Plen deth Conselh establís eth cartipàs der actuau mandat e rebaishe retribucions

Eth nau govèrn d’Aran a dat compde, ena session plenària qu’a agut lòc aguest maitin, dera distribucion deth cartipàs deth Conselh Generau d’Aran.

Pendent eth mandat 2019-2023, aguesta serà era naua estructura dera maximala institucion aranesa:

  • Departament de Cultura e Lengua a cargue deth sindic d’Aran, Francés Boya.
  • Departament d’Igualtat, Salut e Benèster a cargue dera conselhèra Maria Vergés.
  • Departament de Pompièrs-Emergéncies a cargue deth sindic d’Aran, Francés Boya.
  • Departament de Governacion a cargue deth conselhèr Amador Marqués.
  • Departament de Naues Tecnologies e Innovacion a cargue deth sindic d’Aran, Francés Boya.
  • Departament d’Economia, Torisme e Promocion economica a cargue des conselhèrs Juan Antonio Serrano e Josep Canut.
  • Departament de Coneishement a cargue dera conselhèra Àngela Cases.
  • Departament de Territòri, Paisatge e Gestion ambientau a cargue des conselhèrs Francisco Bruna e Oriol Sala.
  • Departament d’Espòrts a cargue deth sindic d’Aran, Francés Boya, e eth conselhèr Héctor Manero.

Era conselhèra Maria Vergés a estat nomentada vicesindica prumèra e es conselhèrs Juan Antonio Serrano e Francisco Bruna, vicesindics dusau e tresau, respectivaments.

Eth sindic d’Aran e era vicesindica auran dedicacion plea, mentre qu’era rèsta auran ua dedicacion parciau.

Ua des prumères accions de govèrn a estat rebaishar es retribucions per assisténcia a sessions plenàries de 465 a 400 euròs e per assisténcia as sessions de d’òrgans collegiadi e conselhs de direccion de 250 a 50 euròs.

“Auem hèt ua reduccion importanta pr’amor que consideram que, pera durada e pera periodicitat d’aguestes amassades, ei sufisentaments remunerat. Mos trapam en un moment en que, degut ara non aprobacion des pressupòsti dera Generalitat, cau hèr aguest esfòrç de contencion economica e, per tant, es prumèrs en hèr-le auem d’èster es conselhèrs e conselhères”, afirme eth sindic d’Aran.

Aguestes retribucions son destinades unicament as conselhèrs e conselhères que non an remuneracion de cap tipe en Conselh, ei a díder, que quinsevolh aute membre deth govèrn qu’exercisque eth sòn cargue damb dedicacion exclusiva o parciau non arrecep cap d’aguestes indemnizacions.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies