Notícies Slider

Eth Plen deth Conselh Generau apròve era adjudicacion deth contracte entara explotacion des depuradores dera Val d’Aran

DSC_0003

DSC_0003

 

Eth Plen deth Conselh Generau d’Aran, en session extraordinària, a aprovat per unanimitat era licitacion deth contracte entara “Explotacion, conservacion e mantienement des sistèmes de sanejament dera Val d’Aran”, mejançant procediment dubèrt, damb tramitacion ordinària, cossent damb çò previst enes articles 12, 115 e 157 deth Reiau Decret Legistatiu 3/2011, de 14 de noveme, peth quau s’apròve eth Tèxte Rehonut dera Lei de Contractes deth Sector Public.

Atau donques, s’adjudique eth contracte de gestion de servicis publics ara UTE ACSA OBRAS E INFRAESTUCTURAS SA – S.A. AGRICULTORES DE LA VEGA DE VALENCIA – DEPURACIÓN DE AGUAS DEL MEDITERRANEO SL, damb CIF U66940941, per un impòrt totau de sèt milions dus cents vint-e-ueit mil ueit cents èuros damb seishanta dus centims (7.228.800,62 €).

Aguesta adjudicacion se hè, a cargue dera partida pressupostària num. 01.161.227.17 deth pressupòst generau prorrogat vigent entar exercici 2017, damb ua durada totau de ueit ans, e includís ues mielhores presentades pera empresa qu’ara seguida se relacionen:

• Baisha d’un 20% des prètzi unitaris dera partida nautada

• Aportacions de valor hijut per impòrt de cent cinquanta mil èuros (150.000,00 €)

• Plan analitic mielhorat respècte deth plan analitic minim obligatòri establit en annèxe 3.2 des plecs de prescripcions tecniques que regissen aguesta licitacion

• Realizacion anuau d’un estudi sus er abitat des arrius dera Val d’Aran enes zònes d’afeccion des gessudes des EDARs, includit er estudi der index biologic

• Implementacion d’un hilat Smarty de donades en temps reaus

• Estudi dera problematica derivada deth bombeig d’Unha

• Estudi des punts non connectats de Naut Aran, damb ua reisha de sòlids en bypass de Canejan e Bagergue e amassar es donades damb eth hilat Smarty

• Estudi des punts critics des collectors en nauta actuaus

• Plan de mielhores, ath delà des estudis dera problematica existenta

• Realizacion d’un plan de prevencion de situacions d’emergéncia

 

 

 

 

Vielha, 20 de març de 2017

 

Conselh Generau d’Aran: Núria Sanjuan 

Leave a Reply

Your email address will not be published. Required fields are marked *