Cabecera Notícies Slider

Eth Sindic d’Aran nomenat Secretari Generau entath Rèpte Demografic

  • Eth Conselh de Ministres a nomenat aué ath Sindic d’Aran, Francés Boya, Secretari Generau entath Rèpte Demografic, un cargue que reconeish eth sòn trabalh peth desvolopament des territòris de montanha e eth mon rurau e que supause tanben un reconeishement entà Aran e es oportunitats de futur que se daurissen entath territòri

  • Aguest dijaus se celebrarà un plen extraordinari deth Conselh Generau d’Aran en quau Boya presentarà era sua renóncia coma Sindic e serà era vicesindica prumèra, Maria Vegés, qui assomisque eth cargue

Eth Sindic d’Aran, Francés Boya, a confirmat qu’eth Conselh de Ministres l’a nomenat aué Secretari Generau entath Rèpte Demografic, un nomenament que resulte incompatible damb es foncions de Sindic, atau e coma establís era Lei d’Aran, per çò qu’ei previst que presente era sua renóncia coma Sindic eth pròplèu dijaus, en un plen extraordinari en qu’era actuau vicesindica prumèra, Maria Vergés, passe a assomir era sindicatura.

“Entà jo ei un aunor e un orgulh auer ostentat eth cargue de Sindic, representant a Aran e es sòns interèssi e trebalhant, pendent tota era mia vida, e amassa damb es auti conselhèrs e conselhères en aguesta darrèra etapa, entà milhorar era vida dera sua gent”, assegure Boya, en tot híger que eth sòn compromís damb Aran non càmbie bric: “seguisqui totaument comprometut damb Aran e era sua gent. En tot aguest temps, auem trebalhat de forma intensa entà desvolopar politiques e projèctes qu’impacten positivament ena vida des aranesi e araneses, damb resultats plan notables que poderam milhorar en aguest nau temps”.

Aguest nomenament, explique “reconeish eth trebalh de fòrça persones que pendent aguesti ans auem trebalhat peth reconeishement des parçans de montanha e eth mon rurau e mos dan era era oportunitat de gestionar es politiques vinculades ara coesion territoriau e des que va a depéner eth futur propèr, mès, plan especiaument aguest futur qu’a long tèrme volem entàs nòsti territòris e es nòsti hilhs e hilhes”. Tanplan, a assegurat qu’aguest ei un pas que respon a ua decision “fòrça meditada e compartida damb toti es conselhèrs e conselhères deth Govèrn aranés, ena quau auem avalorat eth sòn significat coma reconeishement entà Aran e es oportunitats de futur que se daurissen entath nòste territòri”.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies