Notícies

Fòrça collègis e licèus del país an suprimit las classas d’occitan

La rintrada escolara es arribada negra en Occitània. Son fòrça los collègis e los licèus del país qu’an suprimit sas classas d’occitan. Abans las vacanças, los ensenhaires del Lo collectiu per l’ensenhament de l’occitan dins l’acadèmia de Tolosa (CRÈO Tolosa) avián anonciat que se prevesiá pas cap de dobertura de classa dins lo primari e dins lo segondari mancava 168 oras mentre qu’una vintena de collègis e licèus èran barrar de corses o los limitar. Atal s’es passat almens a Murèth, Pins e Justaret (Tolosan) e Le Vernet (País de Pàmias), segon an raportat de legeires a la redaccion de Jornalet, e mai se lo ministèri de l’educacion francés aviá assegurat la “santuarizacion” de las classas bilinguas.
 
Lo Licèu Pèire d’Aragon de Murèth, que recèp los ancians collegians del Collègi Betança, just a costat, ven de suprimir d’autoritat la seccion d’occitan (LVB/LVC segon la novèla formula de la lei Blanquer per designar las lengas ensenhadas). Los collegians son, dins lor majoritat, d’èx-escolans de la Calandreta qu’ara poiràn pas mai segur los estudis en occitan nimai de l’occitan.
 
D’autre caire, los liceans del Licèu Vernant, establiment vesin de Pins e Justaret, se tròban, eles tanben, confrontats a la supression de l’opcion occitan, mentre qu’èran nombroses los inscrits que ne fasián, unes despuèi mai de cinc ans.
 
En mai d’aquò, lo Collègi Marcèl Doret del Vernet s’es trobat obligat de devisir per dos lo pauc d’oras que donava cada setmana en occitan, mentre que lo collègi Antonin Perbòsc d’Autariba, a decidit unilateralement de la supression de l’opcion engatjada subre tres ans.
 
Per poder avalorar la magnitud de la tragèdia, e aver de chifras, la Federacion dels ensenhaires de lenga d’òc (FÈLCO) es a menar a tèrme una enquèsta, primièr dins los collègis e licèus de l’Acadèmia de Tolosa e puèi a escala de tot l’espaci occitan.
 
 
 

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies