Notícies

Grècia: 13 ans de preson per la direccion d’Alba Daurada e perpetuitat per l’assassin de Pavlos Fyssas

Una setmana après que la justícia grèga qualifiquèt lo partit neonazi Alba Daurada (Chrysi Avgi) d’organizacion criminala es arribada la senténcia.
 
Lo jutge a condemnat son lidèr, Nikolaos Michaloliakos, e cinc dels sièis nauts dirigents del partit a 13 ans de preson, e lo seisen, Artemis Matheopoulos, a 10 ans.
 
D’autres politicians del partit, dont qualques èx-deputats, los an condemnats a de penas d’entre 5 e 7 ans de preson. Un dels condemnats es l’eurodeputat Ioannis Lagos, qu’ara se tròba a Brussèlas. Li devon traire l’immunitat per l’extradir devèrs Grècia per qu’i pòsca èsser encarcerat.
 
Quant a l’assassin del cantador antifaissista de rap Pavlos Fyssas, l’an condemnat a perpetuitat. S’agís del militant del partit Giorgos Roupakias, que reconeguèt lo crime pendent lo jutjament.
 
Après un procès de cinc ans, ont 86 membres del partit èran acusats, la senténcia assegura qu’es demostrat que los crimes e delictes comeses pel partit, dont un assassinat, una agression e la possession d’armas, foguèron pas d’accions individualas mas planificadas e organizadas per la direccion del partit.

 
 
 


 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies