Notícies

Hong Kong: an tornat ocupar l’aeropòrt mentre que China acusa los manifestants de terrorisme

La polícia deslotgèt ièr amb violéncia los aperaquí cinc mila manifestants qu’ocupavan l’aeropòrt d’Hong Kong en ne blocant l’activitat. Amb aquela nòva mobilizacion, los manifestants volián demostrar qu’avián pas paur de las menaças dels govèrns hongkongués e chinés. Protèstan dempuèi qualques meses contra la proposicion d’una lei que permetriá l’extradicion devèrs la China continentala de tota persona sospechada de cometre de delictes. De soslinhar qu’en China los jutges son nomenats pel Partit Comunista e los presonièrs an pas cap de garentida de respècte de lors dreches umans.
 

Our correspondent @RamsaySky says protesters and press are being hit on the head as police move into Hong Kong airport.

Follow live updates here: https://t.co/JhcULilG3y pic.twitter.com/zZXh6ZuxNs

— Sky News (@SkyNews) August 13, 2019
 
Dins sa conferéncia de premsa setmanièra, la cap del govèrn autonòm, Carrie Lam, a defendut l’accion de la polícia hongkonguesa pendent las protèstas e a dich que son ròtle èra absoludament necessari per manténer l’òrdre. A mai, a avertit los manifestants que los darrièrs afrontaments amb los policièrs antisusmautas menavan Hong Kong “devèrs un ponch de non-retorn”. Dempuèi que comencèron las mobilizacions, la polícia a realizat mai de 700 detencions e nafrat de centenats de personas.
 
Interrogada se son govèrn manteniá son autonomia a respècte de Pequin e, per tant, s’aviá la capacitat de decidir se levava entièrament la lei d’extradicion devèrs China que descadenèt las mobilizacions, Lam a interromput lo jornalista e a dich qu’ela e la polícia èran d’a fons capables de resòlver “aquela crisi”. Mas a pas fach cap de referéncia a l’autonomia politica d’Hong Kong.

 

Here's what Hong Kong's leader Carrie Lam said when asked if she had the autonomy to fully withdraw the extradition bill that initially triggered protests in the city https://t.co/cF1C43elMf pic.twitter.com/KVRcADOv45

— Bloomberg (@business) August 13, 2019
 
China acusa los manifestants de terrorisme
 
D’autre caire, dins una declaracion publica, lo pòrtavotz del govèrn chinés a condemnat los afrontaments e a acusat los manifestants d’èsser violents. “Los manifestants radicals an emplegat mai d’un còp d’armas per atacar la polícia, çò que constituís per se meteis un delicte criminal fòrça seriós e demòstra tanben l’aparicion dels primièrs signes de terrorisme”, çò a dich. Dins aquel sens, lo pòrtavotz a menaçat d’una responsa fòrça dura de part de la polícia se se contunhava de contravenir a la lei.
 
 
De veïculs blindats de la polícia armada chinesa
 
Totun, las paraulas del pòrtavotz son pas l’unica menaça contra los manifestants. Diluns passat, la television internacionala chinesa publiquèt d’imatges de divèrses veïculs blindats de la polícia armada chinesa que se desplaçavan devèrs Shenzhen, a la frontièra amb Hong Kong.
 

China ramps up its criticism of Hong Kong's anti-government protesters saying that "signs of terrorism" were emerging and that a "hardline crackdown" was needed pic.twitter.com/xYz2sII7w5

— TRT World Now (@TRTWorldNow) August 12, 2019
 

This is just across Hong Kong’s border with China. If you have tears, prepare to shed them now. pic.twitter.com/vGRHaodnKk

— Daniel Hannan (@DanielJHannan) August 13, 2019
 
 
 

 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies