Notícies

Kenya: Peter Tabichi a ganhat lo prèmi del melhor ensenhaire del Mond

Un professor d’escòla de Kenya, Peter Tabichi, a ganhat lo prèmi Global Teacher Prize 2019 que l’autreja la Fondacion Varkey. Lo guierdon, d’un milion de dolars, l’a ganhat aquel ensenhaire que fa de corses dins un petit vilatge del país african. Lo prèmi l’a recebut per son engatjament, per son trabalh e per sa fisança passionada en l’engenh de sos escolans.
 
Per Tabichi, cal “èsser creatiu, saludar la tecnologia e promòure de metòdes d’ensenhament modèrnes”, e per aquela rason a reüssit a aver d’escolans engatjats e biaissuts dins una region ont sovent s’abandona l’escòla e ont maites joventas son prenses . La jurada a soslinhat qu’aperaquí lo 95% de sos escolans “sortisson de familhas pauras” del temps de tres parts una son d’orfanèls o an solament un parent.  “Cal far mai e parlar mens”, çò precisèt Tabichi.
 
De soslinhar qu’aquel ensenhaire de 36 ans es un religiós de l’òrdre franciscan e que dona l’80% de son salari als paures de sa comunautat.
 
Demest los finalistas i aviá d’ensenhaires del Reialme Unit, dels Païses Basses, de Brasil, de Japon, d’Argentina, d’Índia, dels Estats Units e de Georgia.
 
 
Lo Club de la Patz e lo Club de las Sciéncias
 
En mai dels corses, Tabichi promoguèt lo nomenat “Club de la Patz”, qu’encoratja los escolans a far de debats, a plantar d’arbres e a assegurar la convivéncia entre los dròlles de las sèt nacions e lengas desparièras de l’escòla, mai que mai après las violéncias viscudas en Kenya après las eleccions de 2007.
 
Lo professor a tanben creat lo Club de las Sciéncias per ajudar los escolans a entamenar de projèctes de recèrca. Es atal que d’escolans d’aquel club presentèron a la Fièra de la Sciéncia e de l’Engenhariá de Kenya un esplech per ajudar las personas òrbas a mesurar d’objèctes. Aquel succès faguèt de son escòla una de las escòlas publicas mai presadas del país. Ara, los escolans del Club de las Sciéncias poiràn participar a un eveniment scientific internacional en Arizòna, als Estats Units.
 
Tabichi emplega de tecnologias de l’informacion e de la comunicacion dins l’80% de sas leiçons per atraire los escolans, e mai l’escòla aja pas qu’un sol ordenador e una connexion plan marrida a Internet. Esperam que Tabichi e sos escolans poiràn, totun, vesitar lo sit de Jornalet e veire que de nòstre caire de Mond estant los felicitam en lenga occitana.

 
 
 





  fffff   fffff   Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…        




Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies