Notícies

La CIA espionèt pendent qualques decennis de govèrns aliats per mejan d’una societat soïssa

Lo servici federal d'intelligéncia dels Estats Units, la CIA, auriá espionat un fum de païses, tant aliats coma enemics, pendent qualques decennis per mejan d'una societat soïssa, segon çò que rapòrtan The Washington Post, la radiotelevision soïssa SRF e la cadena alemanda ZTE. Segon aqueles mèdias, la societat de criptatge soïssa Crypto AG fornissiá a de desenats de païses de tecnologia corrompuda per tal que la CIA poguèsse accedir als messatges secrets dels govèrns.
 
Los documents de la CIA indican que mai de 120 païses utilizèron los sistèmas de criptatge porgits per Crypto AG, dont Iran, lo Vatican, Argentina, Espanha o d'organismes coma l’OTAN. L’operacion, coneguda d'en primièr amb lo nom "Thesaurus" e après "Rubicon", èra definida per la CIA coma "lo còp del sègle".
 
Los servicis d’intelligéncia alemands se retirèron del programa dins los ans 1990, pr'amor qu'èran pas d’acòrdi sul fach d’espionar de païses aliats de l’OTAN coma Grècia, Itàlia o Espanha.

 
 
 
 
 

 
 
 

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies