Notícies

La santat de Leonard Peltier perilha de mai en mai

L’estat de santat de Leonard Peltier es en perilh. Segon lo Comitat de defensa del presonièr politic sioux-chippewa, Peltier foguèt operat d’urgéncia del còr dins un espital de Leesburg (Florida). Puèi, foguèt remandat convalescent dins la preson ont es embarrat.
 
Leonard Peltier es un escrivan e activista politic encarcerat als Estats Units dempuèi 1976 acusat de tuar dos agents de l’FBI durant un incident a Wazí Aháŋhaŋ Oyáŋke (tanben apelada resèrva indiana de Pine Ridge).
 
El se considèra coma un guerrièr anishinabe-lakota de la nacion chiweppa. Participèt a l’ocupacion de Fort Lawton en 1970 e a la protèsta de The trail of broken Treaties en 1972. En 1975 l’acusèron de l’assassinat dels dos agents e fugiguèt en Canadà. Mas aquel país l’extradiguèt l’an seguent. Es condemnat a perpetuitat e s’es demandat sièis còps la revision de son jutjament. En 2010, Amnestia Internacionala denoncièt son procès que qualifiquèt d’injust.
 
Es un dels simbòls de la resisténcia dels american originaris e fòrça personalitats de tot lo Mond an demandat sa liberacion. Es lo cas de Pete Seeger, Michael Moore, Danny Glover, Rubin “Hurricane” Carter, Vivienne Westwood o dels membres de grops de musica coma Rage Against the Machine o U2.
 
En 1992, lo realizaire Michael Apted faguèt lo filme Incident at Oglala. Produch per Robert Redford, lo filme tracta son afar.





 
 

Leave a Reply

Your email address will not be published. Required fields are marked *