Notícies

La seleccion occitana de fotbòl cèrca un autobús per anar jogar l’Èuro 2015

La seleccion occitana de fotbòl cèrca un bus per anar jogar la copa d’Euròpa CONIFA 2015 en Ongria del 13 al 21 de junh que ven. Es un títol esportiu qu’agropa los pòbles e las nacions sens estat. E la nòstra seleccion nacionala qu’a possibilitat de lo ganhar, vist son avenir prometedor.
 
“Se logam tres minibús entà miar 25 personas, aquò representa 3000 èuros”, çò a declarat a 20 Minutes lo president de l’Associacion Occitana de Fotbòl, Nicolas Desachy. “Dab un budget totau de 10 000 èuros entà l’integralitat de la competicion, non ei pas possible”, çò explica.
 
“Los gojats pausan ja comjats, non los pòdi pas demandar en mei quauques cententats d’èuros entà promòver la cultura occitana”, çò obsèrva Desachy que, totun, vei una solucion se se podiá “har prestar minibús gratuitament, o alavetz un petit desdamatjament per un club o ua institucion, per exemple, 200 o 300 èuros per veïcul, qu’ei lo quart o lo tèrç deu son prètz abituau”. “Sens aquò riscam de non nos poder pas desplaçar”.
 
L’esquipa entraïnada per Deidièr Amiel deu afrontar normalament, dins un primièr torn, la seleccion dels siculs (la minoritat ongresa de Romania) e una autra seleccion qu’es ela del nòstre país, Mónegue (mas se tracta pas del club de Liga 1). Pereu deurà afrontar normalament una autra esquipa occitana, la del Comtat de Niça, que foguèt campiona del Mond de 2014.

Leave a Reply

Your email address will not be published. Required fields are marked *

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies